Kandidati i LSI shpërthen
kundër PS-së: Më sabotuan

TIRANE- Dy ditë pasi kreu socialist i Mallakastrës akuzoi kandidatin e LSI-së Shyqyri Kapllani, si shkaktar kryesor i humbjes së bashkisë, ky i fundit ka lëshuar një lumë akuzash ndaj vetë kreut të PS-së. Në një shënim në Facebook, të cilin e titullon “Një përgjigje, për ata që fusin kokën në rërë, dhe lënë b...n jashtë.”, kandidati i LSI-së akuzon kreun e PS-së në Mallakastër se e ka sabotuar në fushatën elektorale. Ai rendit dhe arsye të tjera, si shpërdorimi i emërimeve të mazhorancës në poste publike, ku sipas Kapllanit janë punësuar njerëz që nuk ishin të majtë.