POP 5

Lajmet më të lexuara të 5 minutave të fundit

Politikë

Kandidati i PD për Bashkinë Kavajë: Në shkollë dhe gjimnaze nuk ka ngrohje! Po mësojnë me dorashka kapuç dhe xhup

Kandidati i PD për Bashkinë Kavajë, Fisnik Qosja ka denoncuar mungesën mungesën e ngrohjes në shkolla e gjimnaze.

Kandidati i PD për Bashkinë Kavajë: Në shkollë dhe gjimnaze nuk ka ngrohje! Po mësojnë me dorashka kapuç dhe xhup

Foto ilustruese

KAVAJË- Kandidati i PD për Bashkinë Kavajë, Fisnik Qosja ka denoncuar mungesën mungesën e ngrohjes në shkolla e gjimnaze.

Qosja shkruan se ka pasur shumë mesazhe nga nxënës të cilët thonë se në shkolla nuk kanë kushtet më bazike siç është ngrohja.

“Kam marr shumë mesazhe  për mungesën e ngrohjes dhe kushteve bazike në shkolla dhe gjimnaze! Kaloriferët e akullt të shkollave dhe gjimnazeve të inaguruara vitin që sapo lamë pas janë veç fasada e babëzisë dhe paaftësisë së drejtuesve të Bashkisë së sotme. Në shkolla nuk ka as kaldaist e asnjë investim për lëndën e parë! Nxënësit dhe mësuesit ngrijnë nga të ftohtit.

Rilindja vijon me punësimet fiktive të çdo lloj dallkauku e paraziti, harxhon para publike për ngrohjen e zyrave elektorale në vend që paratë të përdoren për lëndën e parë (pelet, gaz etj). E ndërkohë shkollat e gjimnazet sajdisen me ashkla e tallash si në kohën e qëmotit, ose pa ngrohje fare në rastin më të keq.

Rilindja duhet të kuptojë që qytetarët dhe bizneset presin që tarifat e kripura që paguajnë t'i kthehen në shërbime.

I bëj thirrje drejtuesve dhe nëpunësve të Bashkisë Kavaje, ta lënë për një moment komoditetin e zyrave të tyre të ngrohta, të mbyllin "dyqanet" elektorale që mbahen hapur me zor me paratë e taksapaguesve,  "t'i heqin duart nga xhepat" dhe të zbresin në terren për të bërë detyrën për sigurimin e ngrohjes me çdo kusht për nxënësit dhe mësuesit, të cilët rrinë me dorashka kapuç dhe xhup në klasat e shkollave.

Për turpin e ketyre të babëziturve të paaftë kjo ështe Shqipëria e vitit 2023”, shkruan Qosja.

 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29