Kandidati i PD-AN në fshatrat e Rrogozhinës, Mediu: Të dalim dhe të votojmë masivisht

Në kuadër të fushatës elektorale, kreu i PR-së , i cili është kandidati i renditur i shtati i 'Aleancës për Ndryshim' në Qarkun Tiranë, Fatmir Mediu, zhvilloi takime me banorë dhe biznese në fshatrat Kalush dhe Zhabjak të Rrogozhinës.

Mediu theksoi sukseset që  ka pasur Shqipëria me liberalizimin e vizave, anëtarësimin në NATO dhe nënshkrimin e Marrëveshjes së  Stabilizim-Asociimit. Ndër të tjera u bëri një thirrje qytetarëve që  të  votonin kundër shpifjes, padrejtësisë dhe mohimit që u është bërë  shqiptarëve në  këto 8 vite.

Ai u bëri thirrje qytetarëve që të  reflektonin mbi përgjegjësitë  që  kanë  dhe vuajtjet që populli shqiptar ka kaluar ndër vite, të  dilnin dhe të  votonin masivisht pavarësisht bindjeve dhe të mendonin për të  ardhmen e vendit dhe të  familjarëve të  tyre.

“Të rikthejmë edhe njëherë dinjitetin dhe vlerën tonë si qytetarë dhe si komb, që mundësisht ne, si shqiptarë që flasim shumë për kombin shqiptar, të jemi shqiptarë të bashkuar nesër në Europën e bashkuar”, tha ai.

K.T./r.k./Shqiptarja.com

TAG:
• Tirane
• fatmir mediu
• fushata elektorale
• partia republikane
• zgjedhjet parlamentare 2021