POP 5

Lajmet më të lexuara të 5 minutave të fundit

Kosova & Rajoni

Kandidati i Vetëvendosjes për asamblist, në listën e zezë të SHBA

Një prej kandidatëve të Vetëvendosjes për asamblist në Gjilan, gjendet në “listën e zezë” të Shteteve të Bashkuara të Amerikës. Fjala është për Tahir Dalipin. Por, pse është pjesë e kësaj liste

Kandidati i Vetëvendosjes për asamblist, në listën e zezë të SHBA

Foto ilustruese

Një prej kandidatëve të Vetëvendosjes për asamblist në Gjilan, gjendet në “listën e zezë” të Shteteve të Bashkuara të Amerikës. Fjala është për Tahir Dalipin. Por, pse është pjesë e kësaj liste?

 Amerika e kishte cilësuar Dalipin anëtarësuar në VV nga janari i këtij viti, si një prej njerëzve që kishte kërcënuar përpjekjet ndërkombëtare për stabilizim në Ballkanin Perëndimor. I kontaktuar nga Express, Dalipi thotë se s’ka marrë asnjëherë ndonjë shpjegim të saktë se pse është pjesë e kësaj liste, por beson se lidhet me aktivitetin e tij si anëtar politik i Ushtrisë Çlirimtare për Presheve, Medvegjë e Bujanovc (UÇPMB).

“Ajo listë daton prej kohës së përpjekjeve të shqiptarëve të Luginës së Preshevës. Unë kam qenë anëtar politike i Ushtrisë Çlirimtare për Preshevë, Medvegjë e Bujanovc (UÇPMB). Edhe UÇPMB’ja pas demitalirizimit edhe këshilli politik i saj kanë hyrë në Listën e zezë si organizata. Aty pastaj janë veçuar disa emra. Në fakt, unë nuk kam marrë ndonjë shpjegim asnjëherë se cila është arsyeja e futjes në atë listë”, ka deklaruar Dalipi.

Sipas tij, lista më nuk është aktive dhe s’ka asnjë efekt, derisa thotë se s’ka bërë asgjë që të jetë pjesë e kësaj liste, por se s’janë vërifikuar gjërat.

“Në fakt arsyeja ka qenë pamundësia e ime në atë kohë që të pajtohem me zgjidhjen që na është ofruar…dhe kjo është marrë si mospajtim apo edhe kundërshtim, por në fund kjo është diplomacia e shteteve të mëdha, nuk pyesin shumë për individët. Nuk janë vërifiku gjanat sa duhet dhe ka ndodh çka ka ndodh. Aktulisht nuk është aktive më ajo listë, realisht s’ka asnjë efekt”, ka thënë ai.

Lajmin se është pjesë e kësaj liste thotë ta ketë marrë vesh nga mediat, derisa shton se ka gjasa që personi në listë mund të jetë dikush tjetër, meqenëse viti i lindjes nuk është i njejtë.  

“E kam pa në media, sepse kurrë nuk më është dhënë ndonjë. Ka aty edhe emra bukur të njohur që tash janë në skenën politike.  Është shumë e mundur që të jetë ndonjë person tjetër, e të jetë i ngatërruar emri. Mund të jetë personi që e ka vitin e lindjes në atë listë. Seriozitetin e asaj liste e shpjegon edhe vetë ky fakt që nuk janë verifikuar gjërat, sepse veprimtaria ime s’ka qenë ushtarake, por politike dhe në koordinim me aksionet e asaj kohe që ta përmirësojnë gjendjen në Luginën e Preshevës”, është shprehur ai.

Por, pavarësisht se është pjesë e “listës së zezë”, thotë se nëse do të shkonte në SHBA, s’beson se do të kishte probleme.  

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31