Antidroga e Tiranës ka goditur një rast të transportimit të drogës në aksin rrugor “Mamurras-Kashar”, Thumanë.

Enea Tahir dhe Besnik Shabani ( shoferi dhe pasagjeri) ranë në prangat e policisë pasi në automjetin që po lëviznin blutë gjetën 59 pako me lëndë të dyshuar narkotike kanabis (60 kg).

Kanabisi dyshohet se ishte kultivuar në zonën e Shkodrës. Dy të arrestuarit, njëri prej tyre me precedent të mëparshëm kriminal për vjedhje, kishin si rol transportin e kanabisit nga Shkodra drejt Korçës. Lënda narkotike e ndarë në pako 1kg dyshohet se do të trafikohej drejt Greqisë.

Dy të arrestuarit akuzohen për veprën penale 'Prodhimi dhe shitja e narkotikëve', kryer në bashkëpunim.

Lënda narkotike dhe makina u sekuestrua si provë materiale.

Njoftimi i policisë:

Në vijim të operacioneve të njëpasnjëshme për goditjen e veprimtarive kriminale në fushën e narkotikëve, Seksioni për Hetimin e Narkotikëve, në bashkëpunim me Seksionin e Forcës së Posaçme Operacionale, ka finalizuar një tjetër operacion për goditjen e tentativës për të shitur lëndë narkotike.

Si rezultat i operacionit të koduar “Interruption 3”, u arrestuan në flagrancë shtetasit E. T., 37 vjeç dhe B. Sh., 48 vjeç, të dy banues në Tiranë, për veprën penale “Prodhimi dhe shitja e narkotikëve”, kryer në bashkëpunim.

Gjatë operacionit, bazuar në informacionet e siguruara nga inteligjenca policore, shërbimet e Policisë kanë ndaluar në aksin rrugor “Mamurras-Kashar”, në Thumanë, një automjet me të cilin dyshohej se po transportohej lëndë narkotike.  

Gjatë kontrollit në automjetin me drejtues shtetasin E. T. dhe pasagjer shtetasin B. Sh., shërbimet e Policisë kanë gjetur 59 pako me lëndë të dyshuar narkotike Cannabis Sativa, me peshë totale 60 kilogramë e 6 gramë, që dyshohet se po ata po e transportonin me qëllim shitjen.

Materialet procedurale iu referuan Prokurorisë së Tiranës, për veprime të mëtejshme

Rendit zhvillimet sipas orarit:
Ora 10:41
U kapën duke transportuar 60 kg kanabis, Report Tv siguron fotot e të arrestuarve në Thumanë

1747730375_eneatahiribesnikshabani.jpg

Foto: Enea Tahir dhe Besnik Shabani

Report Tv ka siguruar fotot e dy të arrestuarve që u kapën në Thumanë teksa po transportonin me automjet 60 kilogram kanabis.

Sipas burimeve Enea Tahir dhe Besnik Shabani (shoferi dhe pasagjeri) dyshohet se do e trafikonin drogën drejt Greqisë.

Xh.K/Shqiptarja.com

Xh.K/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 11 Qershor, 23:51

    Jeni dakord me kërkesën e gjyqtarëve për rritje të pagës me 700 euro?

Lajme të tjera