Kapet në Meksikë ‘bosi i drogës’ Rafael Quintero! Kërkohej nga SHBA, 37-vite më parë vrau agjentin e DEA

Nëntë vite pas daljes nga burgu, Caro-Quintero i cilësuar bosi i drogës në Meksikë dhe i njohur me pseudonimin Narco de Narcos, u arrestua sërish. Ai u gjet i fshehur në një shkurre dhe me vete kishte një shishe ujë.

Edhe pse Quintero nuk është më një figurë kryesore në trafikun ndërkombëtar të drogës, arrestimi i tij simolikisht është cilësuar i rëndësishëm. Mediat e huaja me tituj bombardues, Zot i drogës, apo bosi i drogës, japin detaje se si forcat operacionale e kapën në një shkurre.

Në fakt Rafael Caro Quintero që kur dol nga burgu, bënte jetë të zakonshme, pa asnjë privilegj të emrit që mbante kohën kur vrau agjentin e DEA-s.

“BBC” raporton se ka rënë në pranga “bosi” i drogës, Rafael Caro Quintero, i cili është kapur në shtetin perëndimor të Sinaloa të Meksikës, thotë marina meksikane.

Sipas marinës amerikane, Quintero u kap i fshehur mes shkurreve pas ndihmës së një qeni të stërvitur posaçërisht për aksione të tilla, i quajtur Max, shkruan BBC.

Quintero akuzohej për rrëmbimin, torturimin dhe vrasjen e një agjenti të njësisë anti-drogë në SHBA në vitin 1985.

SHBA tha se do të kërkonte ekstradimin e menjëhershëm të Quintero dhe arrestimin e tij e shohin si arritje të madhe .

Quintero ishte një nga tre anëtarët themelues të Kartelit të fuqishëm të Guadalajara. Ai kaloi 28 vjet në burg për vrasjen e ish-agjentit të Administratës Amerikane (DEA), Enrique Camarena.

Vrasja tensionoi marrëdhënie SHBA-Meksikë në atë kohë dhe më vonë u shfaq në serialin Netflix Narcos: Mexico.

Në vitin 2013, një gjykatë në Meksikë shkurtoi dënimin 40-vjeçar të Quintero dhe e liroi atë. Vendimi u rrëzua më vonë nga gjykata supreme e vendit, por Quintero tashmë ishte larguar duke ikur nga sytë e autoriteteve.

Për zyrtarët amerikanë ai u kthye shpejt në trafikun e drogës dhe pse tashmë jo në pozicione drejtimi, dhe Uashingtoni ofroi 20 milion dollarë për çdo informacion që çonte në kapjen e tij.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria mbetet me një Gjykatë Apeli në Tiranë, si e vlerësoni?



×

Lajmi i fundit

BE do të trajnojë 30,000 ukrainas, do ketë edhe ekuipazhet e tankeve

BE do të trajnojë 30,000 ukrainas, do ketë edhe ekuipazhet e tankeve