Kapshticë, sekuestrohen 20 kg
kanabis, në pranga një 32 vjeça

Policia Kufitare e Kpashticës ka sekuestruar një sasi prej 20 kg cannabis sativa dhe ka vënë në pranga një person.

Sipas policisë mësohet se droga iu gjet 32 vjeçarit Renis Kasapi nga fshati Karbunar i Lushnjes. I arrestuari ishte ndaluar për kontroll në Pikën kufitare të Kapshticës, ku në automjetin e tij tip mercedez benz me targa AA 049 NF, u evidentruan 40 pako të mbështjella me natriban.

Ndërkohë për rastin në fjalë policia po procedon në gjendje të lirë edhe një tjetër person, 21 vjeçarin me inicialet S.C i cili ishte pasagjer në automjetin e poseduesit të drogës.

Gjithashtu u sekuestruan 3 aparate celular, shuma prej 1150 Euro si edhe automjeti ku u gjet lënda narkotike.







Redaksia online
(u.s/shqiptarja.com)