Kardashian, shembulli më i keq

Një sondazh amerikan nxjerr Kim Kardashian në krye të klasifikimit si personazhi më i pasjellshëm për vitin 2011. Arsyeja? Jeta e saj private! Sigurisht ajo me fjalorin e saj dhe detajet e jetës së saj private që ka publikuar në media është bërë shembulli më i keq për fëmijët, të cilët nuk duhet të marrin aspak shembullin e saj. Ditë e fundit në revistën amerikane National Enquirer, Kim ka pohuar se media është tej mase e interesuar për të njohur shumë detaje të jetës së saj private dhe ajo si shumë e hapur që është pranon të tregojë gjithçka. Sondazhi thekson se Kim në kërkim të famës përpiqet gjithmonë të bëhet shkak i diskutimeve në media, por në këtë mënyrë ajo jep një shembull të keq. Sigurisht pa përfolur kasetën e famshme ku ajo shfaqet me imazhe seksuale, që mbetet elementi më kritik.