POP 5

Lajmet më të lexuara të 5 minutave të fundit

Sport

KATAR 2022/ Portugali-Marok, trajneri i 'luzitanëve': Lëreni të qetë Ronaldo-n! Trajneri i Anglisë: S'do luajmë në mbrojtje kundër Francës

Trajneri i Portugalisë Fernando Santos para ndeshjes çerekfinale të Botërorit ka kërkuar të ndalojnë spekulimet për Ronaldo-n, i cili po kalon një moment të vështirë pas uljes në stol. Ndërkohë trajneri i Anglisë Garreth Southagate thotë se do të hedhë në fushë një ekip sulmues kundër Francës.

Mes shumë lajmeve shpërqendruese që kanë si epiqendër Cristiano Ronaldo-n të shtunën Portugalia do përballet me Marokun për çerekfinalet e Botërorit të Katarit. Në orën 16:00 ‘luzitanët’ që masakruan Zvicrën  do kenë përballë një skuadër që kërkon të shkruajë historinë dhe ka në përbërje futbollistë që luajnë në kampionatet më me emër në Europë.

Në konferencën për shtyp trajneri i Portugalisë Fernando Santos është ndalur së pari për të folur për Ronaldon, duke deklaruar: “Nuk ka kërkuar kurrë të largohet nga kombëtarja, duhet ta lëmë të qetë. Normalisht nuk ishte i kënaqur, pasi e njoftova se do ishte në stol kundër Zvicrës, por është koha të ndalen polemikat. Maroku është një përfaqësuese shumë e organizuar dhe nuk do jetë aspak e lehtë për ne.”

Maroku është përballur dy herë me Portugalinë në Kupën e Botës. Në vitin 1986 afrikanët kanë fituar 3-1 në grupe, ndërsa në 2018 Portugalia fitoi 1-0 po në grupe. Në Botërorin e Katarit ‘luzitanët’ janë kombëtarja që kanë shënuar më shumë, ndërsa Maroku ajo që ka pësuar më pak.

Padiskutim për nga rëndësia që ka, superpërballja ose finalja e parakohshme e Katarit Angli-Francë do luhet në orën 20:00. Në konferencën për shtyp trajneri Southgate ka deklaruar se nuk do mendojnë të luajnë në mbrojtje ndaj kampionëve në fuqi, pasi ‘tre luanët’ kanë armë të fuqishme në sulm.

Ndërkohë Didier Deschamps u përgjigj duke thënë se është shumë i qetë para sfidës përsa kohë ka në skuadër një si Kylian Mbappe.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46