Qeveria shqiptare 100 mijë euro donacion për Greqinë, Rama: Jemi pranë në këto orë tragjike (Vendimi)

TIRANE-Qeveria shqiptare ka miratuar një vendim për t’i akorduar Greqisë 100 mijë euro si ndihmë pas katastrofës që po kalon nga zjarret e tre ditëve të fundit. Sipas vendimit të qeverisë, ndihma i jepet Athinës për të lehtësuar dëmet nga zjarret. Vendimi është dhënë në mbledhjen e fundit, ndërkohë që edhe Rama ka reaguar për tragjedinë. 

Kryeministri Edi Rama, në një reagim në Facebook, ka dërguar një mesazh ngushëllimi për kryeministrin grek Aleksis Tsipras. Rama ka shprehur mbështetjen e tij për popullin grek në këto orë të vështira.

Shqipëria ndjehet veçanërisht pranë Greqisë fqinje në këto orë tragjike për ata që humbën të dashurit e tyre dhe po përballen me pasojat e dhimbshme të një zjarri të tërbuar! Qeveria Shqiptare sapo aprovoi një donacion në shenjë solidariteti me vëllezërit e motrat tona.

LEXO EDHE:
Komision parlamentar antikorrupsion, Meta: Manovër e Ramës për t'i ikur dështimeve skandalaze në këto 11 vjet

Edi Rama, kryeministër

Në tre ditët e fundit flakët kanë lënë pas një katastrofë, pasi mbi 80 persona zyrtarisht kanë humbur jetën, ndërsa mbi 100 janë të zhdukur dhe 200 të plagosur. Mijëra shtëpi janë djegur dhe shkatërruar nga flakët që përpinë periferinë e Athinës prej ditës së hënë.

Mes viktima zyrtarisht është edhe një shqiptare, por dyshohet se numri është tre, pasi dy të tjera janë shpallur të zhdukura. Ndërkohë që emigranti Mondi Sinaj në një lidhje telefonike për Report Tv u shpreh sot se një familje nga Saranda është zhdukur bashkë me një të ri nga Tepelena.

Vendimi i qeverise shqiptare per Greqine

TAG:
• edi rama
• ZJARRET NE GREQI

Sondazhi i ditës:

Propozimi i PS, a na duhet një reformë e re anti-korrupsion?

• Po

  69.5%

• Jo

  22.9%

• Nuk e di

  7.5%

Vota total: 1277

• Sondazhi i ditës:

  Propozimi i PS, a na duhet një reformë e re anti-korrupsion?

  Po Jo Nuk e di