Akademia e Futbollit Elbasani fitoi 3-2 kundër Vorës për javën e dytë në Kategorinë e Parë. Në "Elbasan Arena" ndeshja ishte spektakolare, teksa u shënuan pesë gola, u akorduan tre penallti dhe u dhanë dy kartona të kuq, ndërsa goli i fitores te vendasit u shënua në minutën e 100-të. Arbitri Juxhin Xhaja nuk kishte një punë të lehtë, me një ndeshje që kishte aromë elitë.

Përballja nisi mirë për miqtë, me Qardakun që në minutën e nëntë kaloi Vorën në avantazh. Duhej minuta e 35 që Telushi të barazonte nga pika e bardhë e penalltisë. Në fundin e pjesës së parë, Lleshi kaloi në avantazh Elbasanin, duke çuar peshë tifozët e shumtë në stadium.

Pjesa e dytë nisi mirë për miqtë e Artan Mërgjyshit, me Qardakun që shënoi dopietë, këtë herë nga penalltia në të 62 minutë. Me rezultatin 2-2 dhe me raste të shumta, u duk se skuadrat do ndanin pikët.

Duhej minuta e 100-të që Karakaçi nga penalltia të shënonte golin e fitores te Elbasani, me djemtë e Nevil Dedes që marrin tri pikët e para në këtë edicion të Kategorisë së Parë. Për t'u përmendur edhe dy kartonat e kuq, Rami te vendasit dhe Xhemalaj te Vora.

Pas javës së dytë në Kategorinë e Parë, Apolonia dhe Bylis me gjashtë pikë ndajnë kreun, ndërsa Elbasani dhe Tomori me katër pikë vijojnë renditjen. Vora dhe Besa kanë nga tre pikë, ndërsa në fund Lushnja që pas dy ndeshjeve nuk ka asnjë pikë.

VIDEO:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera