“Kukësi dhe Skënderbeu kanë rivalizuar në këto vitet e fundit midis tyre, dhe unë mendoj që e tillë do të jetë edhe kjo ndeshje sepse Skënderbeu luan për objektivat e veta por sigurisht edhe ne luajmë për objektivin tonë i cili është arritja sa më shpejtë e kualifikimit për në Kupat e Europës. Ne realisht luajmë për objektivat tona dhe objektivi ynë kryesor në këtë ndeshje është fitorja, ashtu sic do të jetë edhe në të gjitha ndeshjet pasardhëse, sepse për të arritur atje ku dëshirojmë ne nuk shohim kë kundërshtar kemi përballë. Duhet të arrimë sa më shpejtë kualifikimin në Kupat e Europës dhe për këtë duhet të japim maksimumin në cdo ndeshje”, tha Klodian Duro.
Trajneri i Kukësit për këtë ndeshje nuk ka ndonjë mungesë serioze. Kjo nuk mund të thuhet për krahun tjetër, përkundrazi. Trajneri i Skënderbeut, Mirel Josa, do të duhet të bëjë pa sulmuesin e tij kryezor Hamdi Salihin, i cili është i dëmtuar dhe mesfushorit Nimaga. Atmosfera përpara kësaj sfide është shoqëruar edhe nga deklarata në distancë mes dy presidentëve. Safet Gjici ka premtuar se skuadra e tij do ta ndalojë ecurinë pozitive të kampionëve, ndërsa Ardjan Takaj ka besim te aftësitë e skuadrës së tij.
Flamurtari-Partizani
Kanë objektiva krejtësisht të kundërt, por në 3 përballjet direkte të këtij sezoni, Flamurtari dhe Partizani kanë luftuar si të barabartë mes tyre. Në Vlorë mbrëmjen e kësaj të Diele do të vihet në skenë një tjetër duel mes vlonjatëve dhe të Kuqëve, një sfidë që vlen shumë për të dyja këto skuadra pasi Flamurtari ka nevojë për pikë për të siguruar sa më shpejtë mbijetesën ndërsa për Partizanin misioni titull kalon pikërisht nga Vlora.
Nëse Flamurtari pritet ta ketë të plotë grupin e futbollistëve për duelin me të kuqtë, nuk mund të thuhet e njëjta gjë për Partizanin. Te Partizani përvec Mazrekajt të dëmtuar, mungesa të sigurta janë edhe ato të Asion Dajës dhe Labinot Ibrahimit që janë të skualifikuar ndërsa në dyshim të madh është edhe sulmuesi serb Stevan Racic.
Fitojnë Teuta e Bylis
Ka startuar me dy ndeshjet e para, Vllaznia-Teuta dhe Tërbuni-Bylis, java e 29 e Superligës. Në ndeshjen e luajtur në Shkodër, skuadra e Teutës ka fituar 0-2 duke shfrytëzuar mjaft mirë rrezikshmërinë me kundërsulme. Goli i parë u shënua në 17’ nga Musta, ndërkohë që në pjesën e dytë skuadra e drejtuar nga Magani gjeti golin e dytë pikërisht me djalin e trajnerit, Artur Maganin. Me këtë fitore Teuta ngjitet në kuotën e 48 pikëve, aq sa edhe Kukësi. Ndërkohë, sa i përket duelit të mbijetesës mes Tërbunit dhe Bylisit, skuadra ballshiote ka arritur ta fitojë minimalisht atë, 0-1, falë golit të Bilalit në minutën e 21-të
Rezultatet / Java e 29-të
Dje
Vllaznia - Teuta 0 - 2
Tërbuni - Bylis 0 - 1
Sot
15:00 Kukësi - Skënderbeu
18:00 Tirana - Laçi
18:00 Flamurtari - Partizani
Renditja
1 Skënderbeu 66
2 Partizani 60
3 Kukësi 48
4 Teuta 48
5 Tirana 44
6 Laçi 31
7 Vllaznia 29
8 Flamurtari 24
9 Bylis Ballsh 24
10 Tërbuni 14
Redaksia Online
(A.N/Shqiptarja.com)