POP 5

Lajmet më të lexuara të 5 minutave të fundit

Sport

Katër gola dhe gjashtë mijë tifozë në Kategorinë e Parë, AF Elbasani barazon 2-2 me Bylisin! Ndeshje e denjë për elitën

Të dyja janë skuadra rivale për titullin kampion dhe për t'u ngjitur në Superligë, ndërsa ndeshja mes AF Elbasanit dhe Bylisit rezultoi e tillë edhe në fushë.

ELBASAN - Të dyja janë skuadra rivale për titullin kampion dhe për t'u ngjitur në Superligë, ndërsa ndeshja mes AF Elbasanit dhe Bylisit rezultoi e tillë edhe në fushë. Në "Elbasan Arena" përballja e javës së 11-të e cila ishte e prapambetur mes tyre në Kategorinë e Parë përfundoi 2-2, me duelin që pa në shkallët e stadiumit afro gjashtë mijë tifozë.

Ndeshja ishte me emocione, gola, kartona, ngacmime mes lojtarëve dhe tifozëve. Dueli nisi mirë për vendasit e Nevil Dedes që kontrolluan pjesën e parë dhe e mbyllën në avantazhin e një goli me autor Bedri Grecën në minutën e 26-të.

Fillimi i së dytës pa miqtë e Arjan Bellait më të vendosur në fushë dhe Kibe e Camara në minutat 57-të dhe 64 përmbysën sfidën për ballshiotët. Pas pësimit të golit, Elbasani u zgjua edhe falë mbështetjes së madhe në tribuna dhe barazoi me Telushin në të 71 minutë.

Pjesa e mbetur ishte e tensionuar, me Bylisin që u ndëshkua me gjashtë kartona të verdhë, përfshi edhe trajnerin Bellai. Edhe pse barazim, Bylisi me 39 pikë mban kreun e Kategorisë së Parë, ndjekur nga AF Elbasani me 36 pikë. Ballshiotët e mbyllin si kampionë dimri, me tri pikë para rivalëve.

Renditja:

S.DH/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

27 Prill, 23:01