Kavaja, Rama: S'kemi kandidat, i
takon PS, por do pyesim dhe LSI

Kryeministri Edi Rama, ka deklaruar këtë të enjte se ende nuk është zgjedhur kandidati për zgjedhjet vendore në Kavajë, pavarësisht se në media është raportuar emri i Silvana Dajës, bashkëshortja e ish-kryetarit të PS në Kavajë, Artur Daja.

Rama tha për "Opinion" se nuk e kemi vendosur se cili do jetë kandidati për Kavajën, por kemi kërkuar kandidatura nga Partia Socialiste e Kavajës dhe do t’a vendosim ditën e dielë.

Ai theksoi se kandidati do të zgjidhet nga Partia Socialiste, pasi Kavaja është një bashki që propozimin e ka PS-ja dhe ajo do ta zgjedhë.

Z.Kryeministër pse e vendoset kandidatin e Kavajës, pa u konsultuar me LSI-në?
Kryeministri: Se kemi vendosur kandidatin e Kavajës, kemi kërkuar kandidaturat nga Partia Socialiste e Kavajës dhe do t’a vendosim ditën e diel.

Kjo do të thotë se LSI-ja aludon në qëndrimin e saj?
Kryeministri: Më bëtë një pyetje dhe dhashë një përgjigje dhe ndërkohë normalisht siç funksionon marrëveshja e koalicionit, duke qenë se Kavaja është një bashki që propozimin e ka Partia Socialiste, ajo do bëjë propozimin.
Unë nuk i vë re këto përplasje që shihni ju.
Më duken gjëra të një dore të dytë, për të mos thënë të një dore të tretë.

Redaksia Online
l.q/Shqiptarja.com