POP 5

Lajmet më të lexuara të 5 minutave të fundit

Sociale

Kavajë/ 36 familje egjiptiane një muaj pa drita, ngrihen në protestë! OSHEE s'vendos kabinë elektrike! Ministria iu premton zgjidhje brenda një jave

36 familje të komunitetit egjiptian në Kavajë kanë dalë në protestë, pasi prej një muaji kanë mungesë të energjisë elektrike. OSHEE refuzon vendosjen e një kabine elektrike për shkak të mungesës së kushteve teknike, ndërsa Bashkia Kavajë nuk i njeh si banorë të saj. Në ministrinë e Shëndetësisë dhe Mbrojtjes Sociale ata ngritën shqetësimin e tyre dhe thanë se ndihen të diskriminuar, ndërsa u premtua ndërmjetësim dhe zgjidhje e problemit.

Me vajzën e tij përdore, Shpëtim Kiptiu ashtu sikurse qytetarë të tjerë të komunitetit egjiptian bën rreth 55 km rrugë nga Kavaja drejt Tiranës për t’iu drejtuar Ministrisë së Shëndetësisë dhe Mbrojtjes Sociale reagim për ndërprerjen prej gati një muaji të energjinë elektrike.

Kanë kërkuar lidhjen e një kontrate të rregullt me OSHEE-në.  Por OSHEE me pretendimin e mosgarantimitt të kushteve teknike për vendosjen e një kabine elektike në baraket e tyre nuk u ka ofruar një zgjidhje konkrete.

“ Dhe pa dritë dhe fëmijë që do shkojnë në shkollë. Me çfarë do të shkojnë në shkollë këto fëmijë, a do shkruajnë?”

“Kalamajt po tremben natën, më janë bërë gjysmë robi.”

Problematika ka qenë e hershme, por më parë kanë bërë lidhje të paligjshme. 

“I lidhshim , na i këpusnin.”

Shpesh thonë se ndihen dhe të diskrimuar, pasi edhe pse jetojnë prej më shumë se 40 vitesh atje nuk figurojnë të regjistruar si banorë duke u etiketuar herë pas here dhe si të ardhur.

“Kemi shkuar, jemi ankuar, kemi qarë, atëherë cila është arsyeja.”

“Çfarë jetese është ajo ?! Bashkia e Kavajës nuk na jep asnjë rrugëzgjidhje .”

Pas takimit me një përfaqësi të tyre, ministria u premtoi se do të kontaktojë me Bashkinë e Kavajës dhe t’i jepet zgjidhje problemit për një javë.

“Do i’u japim javën tjetër, një zgjidhje si për banesat ashtu edhe për energjinë elektrike.”

Në bashkinë e Kavajës janë të paktën 36 familje egjiptiane që nuk kanë furnizimin me energji elektrike.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Irfan: 19/02/2022 00:49

    Oshee eshte kthyer ne firme mashtruese piramidale. Spak te hetoje dhe te arrestoje punonjesit e oshee qe fshehin vjedhjet e energjise dhe u vendosin fatura abuzive qytetareve qe nuk u japin rryshfet. Te arrestohet menjehere hajduti Gentian Molla.

    Përgjigju
  • Turi: 18/02/2022 23:29

    Te gjithe qe nuk kryejne detyren duhet te shkarkohen nga puna dhe te ndiqen penalisht se nuk mund te vazhdoj kesshtu degradimi ne kete shtet

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59