POP 5

Lajmet më të lexuara të 5 minutave të fundit

Kronikë

Kavajë/ I dënuari për vrasje ndërron jetë nga COVID, një ditë para seancës për uljen e dënimit

I burgosuri për vrasje, që vuante dënimin në burgun e Rrogozhinës ka ndërruar jetë nga Covid-19 në burg, një ditë para seancës ku do të vendosej për uljen e dënimit të tij.

Kavajë/ I dënuari për vrasje ndërron jetë nga COVID, një ditë para seancës për uljen e dënimit

I burgosuri për vrasje, që ndërroi jetë nga Covid-19 në burg, një ditë më parë, priste uljen e dënimit të mbetur nga gjykata. Andrea Berberi, 76-vjeçari i burgosur nga Durrësi, kishte kërkuar uljen e dënimit të mbetur pa vuajtur dhe më 18 janar ishte caktuar dita e shqyrtimit të kërkesës së tij.

Berberi ka ndërruar jetë, po pavarësisht kësaj rrethane gjyqtarja Besiana Gërxanaj ka vendosur të pushojë çështjen për moskompetencë territoriale, pasi kërkuesi e vuante dënimin në IEVP Rrogozhinë, ku ishte transferuar, ndaj kërkesa për uljen e dënimit duhet të shqyrtohet nga Gjykata e Kavajës.

76-vjeçari vuante në burgun e Peqinit dënimin e marrë 10 vjet më parë, kur u shpall fajtor për vrasjen me paramendim të një 42-vjeçari, fqinj i tij.Krimi me motiv hakmarrjen ndodhi më 21 nëntor të vitit 2011 në Spitallë të Durrësit. Berberi qëlloi me breshëri plumbash, duke zbrazur dy karikatorë me fishekë mbi 42-vjeçarin Luan Puja.Ngjarja ndodhi për motive hakmarrjeje. Disa muaj para vrasjes, në mars të atij viti, Berberi ishte dhunuar me grushte dhe levë hekuri nga viktima për një konflikt banal mes tyre.

E klasifikuar si plagosje e lehtë çështja pati përfunduar në gjykatë, po më 9 nëntor 2011, 12 ditë para vrasjes, gjykata e Durrësit kishte vendosur të pezullonte dënimin me burg të Pujës dhe ta linte atë në periudhë prove për 18 muaj.

I pakënaqur dhe me bindjen, siç pati deklaruar në gjykatë, se Puja donte ta vriste, Berberi vendosi të bënte drejtësi vetë. Pas vrasjes në mes të rrugës dhe hedhjes së armës në mënyrë demonstrative mbi trupin e viktimës, Berberi u arrestua disa minuta më pas në shtëpinë e vet.

Më 18 shtator 2012, gjykata e Durrësit e shpall fajtor dhe e dënon me 25 vjet burgim dhe 500 mijë lekë gjobë. Teksa vuante dënimin me burg, Berberi nuk kishte reshtur së kërkuari ulje të dënimit. Më 18 nëntor të 2019, Berberi kishte përfituar një ulje dënimi prej 90 ditësh dhe pas kësaj kishte kërkuar sërish ulje dënimi./ TCH

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xhixhi: 18/01/2022 22:49

    Keta qe vetembrohen marrin 25 vjet. Ata qe vrasin per hobi lihen te lire ne kete vend

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Aktivitetet kulturore/ ‘Arrëthyesi’, baleti emblematik i Krishtlindjes te Opera, dy shfaqje teatrore

Aktivitetet kulturore/ ‘Arrëthyesi’, baleti emblematik i Krishtlindjes te Opera, dy shfaqje teatrore

25 Dhjetor, 09:59 nga Blerina Goce