Kavajë, këshilltari bashkiak
kapet për drogë në Itali

TIRANE- Një shtetas shqiptar i shpallur në kërkim ndërkombëtar nga Interpoli u ndalua dje nga autoritetet italiane. Ervin Çelçima, anëtar i këshillit bashkiak të qytetit të Kavajës nga subjekti Partia Socialiste, është kapur sapo ka hyrë në territorin italian, pasi ishte i shpallur në kërkim me akuzat për shfrytëzim prostitucioni dhe trafikim të lëndëve narkotike.

Sipas informacioneve të rezervuara, që i referohet sot gazeta "Shqiptarja.com" Çelçima, nuk ka patur dijeni se ishte në kërkim ndërkombëtar dhe për të ka qenë i papritur ndalimi nga autoritetet policore italiane. Ervin Çelçima, ishte i dyti në listë nga shtatë anëtarët e majtë të këshillit bashkiak të Kavajës, që sundohet nga e majta, jo vetmë në këshill, por edhe me kryetarin e ri të bashkisë, pas shumë vitesh drejtimi nga të djathtët.