Ke atdhe? Deputeti i Bashës ia
kthen Spiropalit: Ju jeni mortja 

Deputetja e Partisë Socialiste, Elisa Spiropali, sulmoi një ditë më parë kryedemokratin Lulzim Basha, teksa ndalej te takimi i tij me përfaqësues të partisë Kristian Demokrate Holandeze CDA.

Spiropali e pyeste Bashën nëse kishte atdhe apo vetëm karrigen e partisë për të mbrojtur. Ndërkohë, deputeti i PD, Ervin Salianji, i ka kthyer përgjigje deputetes së PS.

Në faqen e tij në “Facebook”, Salianji shkruan se milionat e vjedhura në doganë e kanë bërë Elisën me çanta luksoze, por nuk i blejnë dot mend. 

“Milionat e vjedhura në doganë e kanë bërë Elisën me çanta luksoze por nuk i blejnë dot mend. Ashtu si Elisa mban Edi Ramën për Skënderbe, ashtu ngatërron atdheun me hajdutët në krye të tij.

Grabitën çdo gjë, tani Elisa dhe padroni i saj kanë shqetësim se po e merr vesh tërë bota se si qeverisin ajo dhe padroni i saj, ndaj kanë filluar të barazojnë veten me atdheun.

Elisa është e shqetësuar se një fondacion hollandez i CDA, që ka kontribuar shumë për demokracinë shqiptare, mos merr vesh se sa ka vjedhur Elisa me shokë se pastaj marrin inat Shqipërinë. Rama nuk duhet të trembet dhe shqetësohet, Hollandezët ashtu si dinë të dallojnë bordellot nga Rembrandi ashtu dinë te ndajnë hajdutët nga Shqipëria, të gjithë ata që kanë pak njohuri dhe mënd e dinë se Rama dhe te vetët nuk janë atdheu, nuk janë Shqipëria por mortja që i ka rënë Shqipërisë”, shkruan Salianji.

Redaksia Online
D.Ç./Shqiptarja.com