Kejdi Mehmetaj ironizon Ramën:
Pusho nga puna zjarret

Ndërsa në shumë prej zonave të vendit vijon të jetë kritike situata e zjarreve, deputetja e LSI Kejdi Mehmetaj përmes një postimi në rrjetin social Facebook ka ironizuar kryeministrin Rama duke i kërkuar që të vijojë mbledhjet dhe të pushojë nga puna zjarret në të gjithë Shqipërinë.

Paralelizmi që Mehmetaj bën lidhet me dy mbledhjet e fundit të Ramës i cili ka mbledhur drejtorët e Hipotekave  dhe drejtorët e Spitaleve të cilëve u ka kërkuar dorëheqjen.

Postimi i Mehmetaj

Sygjerim 🔥❌🔥! 
Në vazhdën e mbledhjeve urgjente, me pretekst koalicionin me qytetarët, i them kryeministrit të thërrasë menjëherë zjarret  🔥 në kryeministri. Përfundimi i mbledhjes të jetë: pushim i menjëhershëm nga puna i zjarreve në të gjithë Shqipërinë. 

Kështu, në daljen publike të rradhës, kryeministri do e ketë gati shfajësimin edhe nëqoftëse do të jetë djegur i gjithë vendi