Receta

Kek me kos dhe limon nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 29 Maj, 12:07 | Përditesimi: 29 Maj, 12:08

Kek me kos dhe limon

Përbërësit:

240 gr kos
3 kokrra vezë
6-7 lgj sheqer
2 e ½ gotë miell
1 gotë vaj
1 lgj niseshte
1 limon (lëkura dhe lëngu)
Pak kripë
Sheqer pluhur për dekor

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Ndajmë të bardhat e vezëve nga të verdhat dhe i rrahim derisa të formohet një shkumë e qëndrueshme. Shtojmë sheqerin dhe kripën dhe i rrahim derisa sheqeri të tretet plotësisht. Përziejmë të verdhat e vezëve me kosin. Më pas shtojmë miellin, niseshten, lëngun dhe lëkurën e limonit. I përziejmë me një tel gatimi derisa masa të bëhet e njëtrajtshme, E bashkojmë masën me shkumën e të bardhave të vezëve dhe i përziejmë lehtë me spatul. E hedhim në formën e pjekjes dhe e vendosim në furrë në temperaturën 150⁰C për 30-35 minuta. Pasi keku të ftohet i shtojmë sipër sheqer pluhur dhe e shërbejmë.

MC/Shqiptarja.com

TAG: