Receta

Kek me pjeshkë pa miell vetëm me gjizë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 3 Shtator, 09:22 | Përditesimi: 3 Shtator, 09:24

Embëlsirë me pjeshkë

Përbërësit:

50 gr gjalpë
75 gr sheqer kaf
1 majë luge kripë
2 kokrra vezë
250 gr gjizë
50 gr miell misri
1 limon (lëngu dhe lëkura e grirë)
3 pjeshka ose kajsi
Sheqer pluhur
Bukë e thërrmuar

Përgatitja:

LEXO EDHE:
Petulla me miell misri nga zonja Albana

Rrahim gjalpin me sheqerin dhe pak kripë derisa të bëhet krem. Shtojmë të verdhat e vezëve një e nga një dhe gjizën e kaluar në sitë. Më pas shtojmë miellin e misrit, lëngun dhe cipën e grirë të limonit. Rrahim të bardhat e vezëve në marengë dhe i shtojmë duke e trazuar masën me delikatesë (që të mos shpërbëhet e bardha). Shtojmë pjeshkët e prera në feta dhe e kthejmë të gjithë masën në formën e spërkatur me gjalpë e bukë të thërrmuar. E vendosim të piqet në furrë të nxehtë në 175 gradë Celsius për afro 1 orë. Embëlsirën e shërbejmë ende të vakët spërkatur me sheqer pluhur.

MC/Shqiptarja.com

TAG: