“Këlliçi ndau me delegatët nga e gjithë Europa shqetësimin e tij dhe të rinjve demokratë shqiptarë për situatën e rëndë ekonomike, papunësinë e të rinjve e cila kap shifrat zyrtare 33%, procesin e dekriminalizimit, i cili do të ndalë promovimin e njerëzve me të shkuar kriminale si dhe eksodin masiv të shqiptarëve. Nga ana tjeter, ai informoi të rinjtë Europiane mbi modelin tjetër të cilin ofron Partia Demokratike dhe kryetari Basha i cili që prej fillimit, i ka kushtuar një rëndësi të veçantë promovimit të të rinjve në parti", thuhet në një njoftim të Partisë Demokratike.
Këlliçi zhvilloi edhe takime me të rinj e zyrtarë në Maqedoni e Kosovë.
“Në përfundim të vizitave në Trevat Shqiptare me përfaqësues të Forumeve Rinore nga Maqedonia, Kosova dhe Presheva u ra dakord për fillimin e bashkëpunimit midis Forumeve Rinore, shkëmbimin e eksperiencave, trajnimin e përbashkët dhe për mundësinë e organizimit në muajt që vijnë të një takimi në Tiranë me të gjithë përfaqësuesit e Forumeve Rinore të Trevave Shqiptare”, përfundon njoftimi i PD-së.
Redaksia Online
(m.b/shqiptarja.com)