Kryetari i Bashkisë së Tiranës, Erion Veliaj ka komentuar sërish sot mungesën e diplomës së gjimnazit të kandidatit të Berishës dhe Metës, Belind Këlliçi.
“Njeriun nuk e fëlliq gjëja që nuk ka bërë. Një njeri, edhe nëse nuk e ka bërë shkollën e bën më vonë, se ka shkollë nate. Por, njeriun e fëlliq gjëja që ka bërë. Në CV, nëse nuk ke bërë shkollën, mund ta bësh gjithmonë. Por në CV, nëse ke qenë klor për të pastruar fytyrën e Sali Berishës, kjo është diçka që ti nuk e heq dot kurrë. Kush pranon sot të dalë kundër Amerikës dhe të ketë në CV gjithë jetën e tij, që ishte aty si sapun për fytyrën e Berishës, që është sot e papastrueshme, kjo është diçka më e rëndë.
Më e rëndë është të përfaqësosh Sali Berishën, njeriu që ka veshur më shumë gra me të zeza në këtë qytet, që ka shkatërruar të gjithë pasurinë e shqiptarëve në vitin ‘97, njeriu që hodhi në erë 26 jetë në Gërdec, njeriun që vrau me plumba në mish në Bulevard, njeriun që sot nuk kalon dot Rinasin. Të përfaqësosh dhe të bëhesh sapun për fytyrën e Saliut është më e rëndë. Të bësh shkollën e mesme ka gjithmonë një shans të dytë dhe unë besoj se për të gjithë duhet të ketë një shans të dytë. Tirana është qyteti i shanseve të dyta. Pas fushatës do kemi kohë për gjithçka”, tha Veliaj i ftuar sot në emisionin Breaking në Top News.
Belind Këlliçi një ditë më parë pranoi edhe se nuk ka diplomë të shkollës së mesme.
Në intervistën e dhënë Veliaj tha gjithashtu se se teksa kundërshtarët luajnë me lodra nëpër studio televizive, ai vetë është në terren duke bërë punë.
"Disa e kanë luksin të vijnë nëpër studio me lodra dhe të luajnë studio më studio, banak më banak, sepse jeta kështu është ndarë. Disa duhet t’i bëjnë këto punë prej vërteti. Ju kujtoj që ishte Ursula von der Leyen dhe Sharl Mishel me kryeministrin, dy udhëheqësit e BE-së që ishin duke inspektuar në Vorë, aty ku ka ardhur transheja e hekurudhës Tiranë – Rinas. Po! Do të ketë një tren elektrik, por sigurisht nuk bëhet duke luajtur si fëmijë nëpër studio dhe nëpër banaqe. Unë besoj se vendimet merren nga të rriturit dhe nga njerëzit që dinë të bëjnë një projekt, ta financojnë dhe pastaj ta zbatojnë; ne e kishim atë projekt, tashmë e kemi financuar, është financimi i BERZH-it dhe fondet e BE-së, të cilat nëpërmjet Ministrisë së Transporteve sot janë kontraktuar. Mënyra sesi funksionin është që te kthesa e Kamzës, terminali i bashkisë, do të ndahet me terminalin hekurudhor. Kjo do të thotë që tani që kemi fituar gjyqin, kemi saktësuar terrenin dhe tokën, kemi bërë edhe garën, fillon gjysma e bashkisë për të përgatitur terminalin e autobusëve tek kthesa e Kamzës. Sistemi multimodal do të thotë që dikush vjen me tren nga Rinasi dhe pastaj merr autobusin për të shkuar në një qytet tjetër. Ose vjen nga një qytet tjetër me autobus dhe pastaj transferohet me tren për Durrës, ose për Rinas. Ndërkohë që stacioni qytetas është stacioni që do ndjekë paralelisht rrethrrotullimin e Shqiponjës deri tek “Bulevardi i Ri”. Sepse ajo është gjurma që tashmë po hapet, aty ku është shkolla “Andrea Stefani” dhe lidhet kthesa e Kamzës me transhenë e unazës së madhe dhe tek “Bulevardi i Ri”, kthehet vetëm për një stacion qytetas. Në atë moment treni operon vetëm në mënyrë elektrike", sqaroi Veliaj.
Komente
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47 -
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
Këlliçi e ka diplomën e universitetit amerikan, po ti o hipokrit maskarai çfarë diplomë universiteti ke? Asgjë, zero, ti ke vetëm kursin e Sorosit që të përzgjodhi ty dhe ato buçet e tjera sot ministre si qëniet më të ndyra, më perverse dhe më të paskrupullta që frymojnë sot në Shqipëri. Ju keni vetëm “trajnimin„ sorosist se si ta rripni këtë popull deri në palcë për ti kaluar miliardat bosit të organizatës nëpër llogaritë offshore dhe se si tua shpëlani trurin me propagandë mediatike atyre skllevërve që kanë ngel në këtë vend.
PërgjigjuPo qëndroj pakë vetëm tek pjesa ( Më e rëndë është të përfaqësosh Sali Berishën, njeriu që ka veshur më shumë gra me të zeza , që ka shkatërruar të gjithë ) pra si Partia Socialiste që prezanton sotë shtetin Shqiptar dhe cdo SHQIPTARË ç'farë kini bërë gjatë gjithë kësaj periudhë .... Flisni për të tjerët por e vërteta është që fëlliqsia U mbulon dhe ju si xhaketa trupin . Sjamë i asnjë partie por e vërteta është që mbështesë çdo të drejtë Ligjore mbi çdo shtetas Shqiptarë. Diçka që duhet të bëhet dhe nga çdo politikan e jo t'a ketë mëndje se si të korruptojë.
Përgjigju