POP 5

Lajmet më të lexuara të 5 minutave të fundit

Politikë

Këlliçi: Propozimi i Bashës ngjall
debat, të vjetrit kanë ciklin e tyre

Surprizues dhe historik e vlerëson kreu i Forumit Rinor të Partisë Demokratike Belind Këlliçi, propozimin e liderit Lulzim Basha që 35 % e kandidatëve për deputetë në zgjedhje të jenë nga ky forum të rinjsh  VIDEO
Këlliçi: Propozimi i Bashës ngjall<br />debat, të vjetrit kanë ciklin e tyre
TIRANE - Surprizues dhe historik e vlerëson kreu i Forumit Rinor të Partisë Demokratike Belind Këlliçi, propozimin e liderit Lulzim Basha që 35 % e kandidatëve për deputetë në zgjedhje të jenë nga ky forum të rinjsh. I ftuar në emisionin "Rreze Dielli" në Report TV, Këlliçi tha se ky propozim pritet t'i kalojë së shpejti Këshillit Kombëtar të PD-së, ku 270 anëtarët e këtij forumi të lartë të vendimmarrjes në PD pritet t'i thonë "PO" propozimit të kryedemokratit Lulzim Basha.

 "Është një surprizë mjaft e këndshme, e prisnim një vlerësim të kryetarit por jo në përmasa kaq të mëdha. Kryetari i partisë ka marrë një vendim historik. Ne kishim bërë një bisedë me kryetarin e partisë për rritjen e përfaqësimit të të rinjve, por me terma konkretë nuk e kishim diskutuar", tha Këlliçi.

Propozimi që kreu i PD-së Basha bëri këtë të mërkurë ka të bëjë me kandidatët në shkallë vendi që do të jenë pjesë e listës për deputetë në zgjedhjet e ardhshme që pritet të mbahen në 2017-ën.

Kreu i FRPD-së e sheh këtë propozim si vlerësim të arritjeve të këtij forumi, siç ishte dhe procesi i fundit i zgjedhjeve të anëtarëve të FRPD-së në rrethe përmes parimit një anëtar një votë.

Por a mund të ketë një beteje "Të rinjtë VS të vjetrit" pas këtij propozimi?

Këlliçi përgjigjet kështu: "Çdo gjë ka ciklin e saj dhe jam i bindur që ky propozim do të ngjallë një debat të gjerë, por ne jemi shtëpia e lirise, ku për herë ka pasur diskutime, përplasje idesh, dhe jam i bindur që në fund të ditës do të ketë një vendimmarrje të Këshillit në interes të PD-së. Nuk kam ndjerë luftës mes gardës së vjetër dhe brezit të ri".

Sipas tij, me ardhjen e Lulzim Bashës në krye të Partisë Demokratike të rinjtë patën një akses më të madh në strukturat vendimmarrëse në parti, siç është zgjedhja për herë të parë e 45 anëtarëve të rinj si pjesë e Këshillit Kombëtar të PD-së.

Redaksia Online
(Gre.M/Shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike

Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike

26 Dhjetor, 10:27