Këngëtari i mirënjohur italian Pupo rikthehet me një koncert në Vlorë: Pashë emocionin e publikut vlonjat, ndihem i lumtur

Enzo Ghinazzi, këngëtari italian me emrin e artit Pupo rriti brezat edhe Shqipëri me këngët e tij. Ai është rikthyer me një koncert elektrizues në skenën e teatrit “Petro Marko” në Vlorë. Për rreth 60 minuta këngët më të mira, të viteve ’80 të repertorit të tij kanë emocionuar publikun nostalgjik vlonjat, i cili është bashkuar në sallë duke kënduar me këngëtarin Pupo thuajse gjatë gjithë performacës.

I mrekulluar me publikun shqiptar ka mbetur edhe vetë këngëtari italian që mes emocionesh ka shprehur gjithë gëzimin e një shfaqje që e ka quajtur të jashtëzakonshme dhe surprizuese për të.                                

“Mendoja se erdha me muzikën time ne një vend që kishte interes, por, kur pashë emocionin dhe dashurinë e publikut ndihem i lumturuar, ç’ka më jep dëshirën që të kthehem sërish dhe do të kthehem. Sot ishte një zbulim për mua. Kam qenë dhe më herët në vendin tuaj. E them pa asnjë dyshim se në Shqipëri jam ndier gjithmonë si janë shtëpinë time”, u shpreh Pupo.

Të emocionuar për rikthimin e Pupo shprehen edhe qytetarët e Vlorës.

“Jemi kënaqur shumë sot në natën e sotme. Kemi dëgjuar këngët më të bukura të Pupos. Ishte kënaqësi shumë e madhe. Jemi rritur me ato këngë. Kujtojmë emisionet italiane, kujtojmë “Sanremon” etj, gjitha emisionet italiane që ne i kemi ndjekur prej vitesh”, shprehet një qytetare.

“Jo vetëm muzikën, është ajo pjesë e shpirtit që na kishe munguar prej vitesh, më së paku mbase e kemi rikthyer”, thotë një qytetar tjetër vlonjat.

Artisti Enzo Ghinazzi me koncertin e tij pason grupin mitik Richi e Poveri. Pas këngëtarit italian Pupo të tjerë emra të njohur, si Toto Cotungo, Xhani Morandi e shumë të tjerë priten të kthehen me performanca muzikore në qytetin e Vlorës.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti