Keni ide për aktivitete gjatë vitit të Tiranës Kryeqytet Europian i Rinisë? Bashkia hap thirrjet për Projekt Ide

Përgjatë vitit 2022, Tirana do të jetë “Kryeqyteti Europian i Rinisë”. Ndaj, Bashkia e Tiranës ka hapur thirrjet për të gjithë ata që kanë një ide për aktivitete për t’u bërë pjesë e kalendarit fantastik të 2022 Tear-off calendar.

“Keni ide për aktivitete gjatë vitit të Tiranës Kryeqytet Europian i Rinisë? Apliko tani dhe bëhu pjesë e kalendarit fantastik të 2022 Tear-off kalendar. Thirrje për Projekt Ide në kuadër të  ‘Tirana European Youth Capital 2022’”, shkruan Veliaj. 

Pas një rrugëtimi që zgjati më shumë se një vit grupi i punës i Kongresit Rinor Kombëtar, në bashkëpunim me Bashkinë Tiranë, arriti të ndërtojë një Projekt-Program të plotë dhe tejet ambicioz, i cili u vlerësua nga juria e EYF si aplikimi fitues, duke bërë që Tiranës t’i atribuohet titulli e të kthehet në Kryeqytetin Evropian të të rinjve për vitin 2022.

TEYC2022  paraqitet si një makro program që do të zgjasë 365 ditë, gjatë të cilave do i jepet jetë një kalendari projektesh me iniciativa e aktivitete të shumta, të cilat do të mbulojnë një gamë të gjerë tematikash e prioritetesh që shohin në qendër Rininë. Kjo thirrje për projekt ide është në zbatim të drejtpërdrejtë të programit Activ∞ të parashikuar në TEYC2022. Për programin Activ∞ Kongresi Rinor Kombëtar ka konsultuar grupe të shumta interesi si institucione qendrore dhe vendore, donatorë, organizata të shoqërisë civile, grupe jo-formale të cilat kanë në fokus rininë etj. Kjo thirrje për projekt ide synon mbështetjen e organizatave të shoqërisë civile, grupeve Jo Formale dhe individ të cilët do të financohen për të zbatuar programet e parashikuara të TEYC2022. Ky program synon të fuqizojë Rininë duke krijuar mundësi të reja e duke i dhënë asaj një dimension evropian. Ndër të tjera programi synon:
•    të sjellë ndryshime pozitive;
•    të inkurajojë pjesëmarrjen aktive;
•    të promovojë vullnetarizmin;
•    të nxisë identitetin evropian;
•    të promovoje e të mbrojë diversitetin dhe gjithë përfshirjen;
•    të fuqizojë organizatat rinore;
•    të rrisë investimet për të rinjtë;
•    të transformojë qytetin në një pikë ndërkombëtare takimi;
•    të krijojë rrjetëzime dhe sinergji mes të rinjve nga e gjithë Evropa.
TEYC2022 do të zbatohet përmes 8 Programeve, të cilët qëndrojnë si kolona mbajtëse të të gjithë makro programit Activ∞. 

Linku për aplikim
https://tiranaeyc2022.al/thirrje-per-projekt-ide-ne-kuader-te-tirana-european-youth-capital-2022/

M.Q./Shqiptarja.com

TAG:
• Tirane
• erion veliaj