Deputeti i Partisë Demokratike, Saimir Koreshi ka publikuar disa foto nga një shkollë në një fshat të Lushnjës, e cila nga pamjet duket e shkatërruar. Sipas deputetit Korreshi, shkolla ndodhet në fshatin Mizë.

Deputeti ka ironizuar Ministrinë e Arsimit duke e konsideruar si ‘shkollën e saj evropiane’, si dhe arritjen më të fundit në sistemin arsimor, ndërkohë që pyet se si duhet që t’i vendoset emri.

"Keni të fala nga arritjet e fundit ne sistemin arsimor. Kjo është shkolla europiane e Mizës. Alo aloo Ministriaaaa si do ja vëmë emrin?? Vetëm për fushat e përdorim këtë shkollën e mira është ta përdorim edhe për nxënësit jo ti degdisim ne fshatra te tjerë.", shkruan deputeti Korreshi, duke publikuar dhe foto të shkollës.