Shtetet e Bashkuara vendosën të mërkurën sanksione të reja ndaj udhëheqësit serb të Bosnjës Milorad Dodik, me motivacionin “për aktivitete korruptive” dhe “kërcënime të vazhdueshme ndaj stabilitetit dhe integritetit territorial” të Bosnje Hercegovinës.
Departamenti amerikan i Thesarit e përcaktoi edhe një entitet të lidhur me të televizionit “Alternativna Televizija doo Banja Luka”, siç njoftoi Departamenti.
“Dodik ka minuar institucionet e Bosnje-Hercegovinë, duke bërë thirrje për marrjen e kompetencave shtetërore dhe duke vënë në lëvizje krijimin e institucioneve paralele në entitetin Republika Srpska të Bosnje-Hercegovinës”, thuhet në njoftimin e Departamentit të Thesarit.
Sipas njoftimit, ai ka përdorur pozicionin e tij zyrtar për të grumbulluar pasuri personale nëpërmjet ryshfeteve, dhe formave të tjera të korrupsionit.
“Retorika e tij përçarëse etno-nacionaliste pasqyron përpjekjet e tij për të çuar përpara këto synime politike dhe për të shkëputur vëmendjen nga aktivitetet e tij korruptive. Të marra së bashku, këto veprime kërcënojnë stabilitetin, sovranitetin dhe integritetin territorial të Bosnje-Hercegovinës dhe minojnë Marrëveshjet e Paqes të Dejtonit, duke rrezikuar kështu stabilitetin më të gjerë rajonal”, thotë Departamenti i Thesarit.
"Aktivitetet destabilizuese korruptive të Milorad Dodikut dhe përpjekjet për të zhbërë Marrëveshjen e Paqes të Dejtonit, të motivuara nga interesi i tij vetjak, kërcënojnë stabilitetin e Bosnje dhe Hercegovinës dhe të gjithë rajonit," tha nënsekretari i Thesarit për Terrorizmin dhe Zbulimin Financiar,Brian E. Nelson.
"Shtetet e Bashkuara nuk do të hezitojnë të veprojnë kundër atyre që kryejnë korrupsion, shkaktojnë destabilizim dhe ndarje në kurriz të popullit të tyre, si dhe kundër atyre që mundësojnë dhe lehtësojnë këtë sjellje”, tha ai.
Veprimi i sotëm, sipas Departamentit të Shtetit, bazohet në angazhimin e Administratës së presidentit amerikan Joe Biden për të promovuar vënien para përgjegjësisë të atyre që ndër të tjera, minojnë stabilitetin e rajonit të Ballkanit Perëndimor përmes korrupsionit dhe kërcënimeve ndaj marrëveshjeve të paqes.
Dodik, anëtari serb i Presidencës kolektive të Bosnje-Herecgovinës, synon ta nxjerrë Republikën Serbe të nga forcat e armatosura të vendit.
Bosnja po përjeton krizën e saj më të rëndë politike që nga fundi i luftës në vitet 1990, duke ringjallur frikën e një ndarjeje pasi serbët e Bosnjës bllokuan punën e qeverisë qendrore dhe ligjvënësit serbë votuan për fillimin e tërheqjes së Republikës autonome Serbe nga institucionet shtetërore./VOA/
Presidentja e Kosovës, Vjosa Osmani ka mbështetur vendimin e Departamentit amerikan të Thesarit që zgjeroi sanksionet për veprat korruptive për anëtarin serb të Presidencës së Bosnje e Hercegovinës, Millorad Dodik.
Vjosa shprehet se përveç aktiviteteve korruptive, Dodik ka kërcënuar edhe paqen e Bosnjës.
Shkruan Vjosa Osmani në Twitter:
Ky ishte një vendim i domosdoshëm që mori administrata e SHBA-së. Përveç aktiviteteve korruptive, Dodik ka kërcënuar në mënyrë aktive paqen, sigurinë dhe integritetin e Bosnjë e Hercegovinës. Përgëzoj për këtë vendim dhe u bëj thirrje partnerëve të tjerë ndërkombëtarë të ndërmarrin veprime të ngjashme
Ambasada e SHBA në Tiranë ka reaguar lidhur me vendimin e Departamentit të Thesarit të SHBA-së për vendosjen e sanksioneve te reja ndaj udhëheqësit serb të Bosnje Hercegovinës, Milorad Dodik.
Përmes një postimi në rrjetin social, të cilin e ka ripostuar edhe amabsadorja Yuki Kim, ambasada shkruan se kjo është një përgjigje ndaj aktiviteteve korruptive të tij si dhe kërcënimeve të vazhdueshme ndaj stabilitetit të Bosnjes
Postimi i plotë:
Sot, Zyra e Kontrollit të Pasurive të Huaja, përcaktoi publikisht Milorad Dodik, anëtar i Presidencës së BH & një platformë mediatike të lidhur me të, në përgjigje të aktiviteteve korruptive të tij & kërcënimeve të vazhdueshme ndaj stabilitetit & integritetit territorial të BH.
Shqipëria ka mirëpritur vendimin e SHBA, që vendosi sanksione të reja ndaj udhëheqësit serb të Bosnjës, Milorad Dodik. Përmes një statusi në Twitter, ministrja e Jashtme Olta Xhaçka thotë se Shqipëria mbështet fuqimisht integritetin territorial të Bosnjes dhe Hercegovinës dhe kundërshton me vendosmëri çdo përpjekje për ta minuar atë dhe për të kërcënuar paqen dhe stabilitetin në Ballkanin Perëndimor.
“Ne mirëpresim përcaktimet e vendosura nga OFAC. Shqipëria mbështet fuqimisht integritetin territorial të Bosnje-Hercegovinës dhe kundërshton me vendosmëri çdo përpjekje për ta minuar atë dhe për të kërcënuar paqen dhe stabilitetin në Ballkanin Perëndimor. E ardhmja e rajonit tonë qëndron në bashkëpunim dhe integrim, larg politikës së përçarjes dhe konfliktit”, shkruan Olta Xhaçka.
Komente
Lajme të tjera
-
Pse disa vende arabe po e ndihmojnë Izraelin kundër Iranit?
16 Prill, 08:53 -
Donald Trump në gjyqin e parë penal ndaj një ish Presidenti në SHBA
16 Prill, 08:27 -
Ben Blushi: Pse e sulmoi Irani Izraelin
15 Prill, 20:58
-
Lufta në Ukrainë/ Kongresi amerikan arrin konsensusin për ndihmën ndaj Kievit
15 Prill, 08:48 -
Irani sulmon me mbi 300 dronë e raketa Izraelin! Kabineti izraelit i luftës: Nuk kundërpërgjigjemi tani! Udhëheqësi iranian: Jerusalemi do t'i përkasë myslimanëve
14 Prill, 07:00 -
Biden kthehet në Uashington për shkak të kërcënimit të Iranit ndaj Izraelit
13 Prill, 20:59 -
NBA/ Tri skuadra ndajnë kreun në Perëndim, Denver humbet me një pikë! Fitore për Thunders dhe Cavaliers, shkëlqejnë LeBron-Davies
13 Prill, 12:05 -
Ndahen nga jeta binjakët e bashkuar më të vjetër në botë
13 Prill, 11:29 -
Ish-presidenti Trump sugjeron se ndihma për Ukrainën mund të jetë në formë kredie
13 Prill, 08:21 -
SHBA: Kina po rrit shitjet e pajisjeve që Rusia përdor për të prodhuar armë
12 Prill, 22:04 -
‘Djema bëhuni gati të shëtisni botën’/ Vëllezërit shqiptarë tregojnë si hynë në “Guinness” për aftësitë akrobatike: Stërviteshim nga 5 orë në ditë
12 Prill, 20:57 -
Agresioni kinez në Detin e Kinës Jugore, Biden diskuton me udhëheqësit e Japonisë dhe Filipineve
12 Prill, 20:51
Radhën e kan vuçuçi dhe Rama sepse ….
Përgjigju