Teatri Kombëtar, Presidenca kërkon pezullimin e çdo veprimi: Është nevojë emergjente! Gjykata Kushtetuese merr vendimin nesër

Në Gjykatën Kushtetuese ka nisur seanca e dytë për kërkesën e Presidentit të Republikës për çështjen e Teatrit Kombëtar. Presidenti Meta ka kërkuar në Gjykatën Kushtetuese shfuqizimin e  kalimit të pronësisë së Teatrit nga Ministria e Kulturës tek Bashkia Tiranë dhe shfuqizim të procedurës së kontratës për ndërtimin e godinës së re të Teatrit Kombëtar. Meta e vendosi theksin te fakti që sipas tij fituesi është paracaktuar me ligji.

Në nisje të seancës, Këshilltari Ligjor i Presidentit ka nënvizuar se Presidenca ka kërkuar prova shtesë dhe ballafaqim me dëshmitare. Sipas tij nuk janë administruar nga presidenti të gjitha provat e kërkuara, si për shembull kontrata e shitblerjes së truallit.

Dervishaj tha se është kërkuar gjithashtu projekti i Teatrit Kombëtar i cili ende nuk ka ardhur. Gjithashtu është kërkuar sipas tij edhe dokumentacioni që i parapriu propozimit të ligjit dhe ky s'ka ardhur si shumë dokumente të tjetra.

"Kemi 24 faqe shtim objekti. Kërkojmë shfuqizim të Vendimit të Këshillit Bashkiak të Tiranës për pezullimin e zbatimit të çdo akti e veprimi që buroi prej ligjit të Teatrit dhe VKM-së. Është nevojë emergjente pezullimi i çdo veprimi", ka thënë Dervishaj.

Në lidhje me këtë kërkesë të Presidencës pwr shtim objekt padie përfaqësuesi i Këshillit të Ministrave dhe përfaqësuesi i Bashkisë Tiranë janë shprehur kundër, ndërkohë që Gjykata Kushtetuese është tërhequr për vendim nëse do të pranojë apo jo pezullimin e çdo veprimi deri sa kushtetuesja të shprehet me vendim final për Teatrin, vendim të cilin pritet ta marrë ditëm e nesërme. 

 

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë