Kërkohet një foto e Ylli Manjanit!

TIRANË - Propozimi, emërimi dhe betimi i Ylli Manjanit si ministri i ri i Drejtësisë pas dorëheqjes së Nasip Naços është një nga zhvillimet politike më pa "zhurmë", pa akuza të kundërshtarëve politikë dhe me një kohë rekord për tu admiruar. Kjo për faktin se tashmë politika shqiptare ka vërtetuar se për të arritur konsensusin në pika të ndryshme kyçe, palëve i duhet të kalojnë një kalvar të gjatë akuzash e kundër-akuzash që në raste fatlume ta arrijnë dakordësinë. Por ndryshe nga vendosja e tij në krye të Ministrisë së Drejtësisë në një hark të shpejtë kohor, kur kanë kaluar 10 ditë nga drejtimi i këtij dikasteri, "ngërçi" është krijuar për një foto!
 
Në faqen zyrtare të kryeministrisë ku janë të shfaqur me foto dhe CV-të personale të gjithë anëtarët e kabinetit qeveritar, kryesuar nga kryeministri Edi Rama, Ylli Manjanit i ka mbetur vetëm emri, pasi ende nuk është gjetur një foto për të.



Veç kësaj, nëse do të klikojmë mbi emrin e ministrit të Drejtësisë (e vetmja e dhënë e cila është përditësuar) në vend të informacioneve për Ylli Manjanin, del ende CV-ja e ish-ministrit Naço.


 
Edhe nëse hyni tek faqja zyrtare e Ministrisë së Drejtësisë edhe aty ende mungon një jetëshkrim për Manjanin. 

Ne fakt nga një vëzhgim në faqen e Kryeministrisë rezulton qe edhe ditari javor i qeverisë ka mbetur mbrapa. Nga 2 tetori asnjë e dhënë nuk është përditësuar. 






Redaksia Online
(Gre.M/Shqiptarja.com)