Këngëtari Andy Stone është tërhequr nga padia ndaj këngëtares së njohur Mariah Carey për shkelje të të drejtave të autorit për këngën e saj të famshme ‘All I Want for Christmas’.
Kantautori paditi yllin e popit në qershor, duke pretenduar se ai shkroi dhe regjistroi një këngë të quajtur “All I Want For Christmas Is You” përpara se Carey të publikonte këngën e saj me të njëjtin emër që do të hynte në histori.
Ai i tha gjykatës se do ta pushonte çështjen, por ligjërisht ai mund ta rifillonte atë. Mega-hiti i Mariah Carey është një nga rekordet më të njohura të Krishtlindjeve të të gjitha kohërave, i cili luhet çdo fundvit.
Stone i cili performon nën emrin Vince Vance me grupin Vince Vance and the Valiants, paditi në një gjykatë federale të New Orleans-it, këngëtaren Mariah Caery, ku edhe bëri kërkesë për pushimin e çështjes. Ai kërkonte të paktën 20 milionë dollarë (16 milionë funte) dëmshpërblim, duke argumentuar se Carey shfrytëzoi "popullaritetin" dhe "stilin" e tij.
Pavarësisht se kanë një titull, të dy këngët janë të ndryshme muzikore, por Stone pretendonte se Carey nuk kërkoi leje për të përdorur emrin e këngës dhe kishte fituar "fitime të pamerituara" prej tij.
