POP 5

Lajmet më të lexuara të 5 minutave të fundit

Sociale

Kërkojnë anulimin e ligjit për mbajtjen 'peng' të diplomave, studentët e Mjekësisë të hënën takohen me rektorin Gjata

Ky vit akademik, e ka gjetur Universitetin e Mjekësisë në bojkot masiv nga studentët, si një formë proteste ndaj ligjit të propozuar nga qeveria dhe miratuar nga Kuvendi pak kohë më parë, i cili kufizon studentët të tërheqin diplomën pas përfundimit të studimeve, për një periudhë 5-vjeçare

Kërkojnë anulimin e ligjit për mbajtjen 'peng' të diplomave, studentët e Mjekësisë të hënën takohen me rektorin Gjata

Studentët e Mjekësisë në protestë

Ky vit akademik, e ka gjetur Universitetin e Mjekësisë në bojkot masiv nga studentët, si një formë proteste ndaj ligjit të propozuar nga qeveria dhe miratuar nga Kuvendi pak kohë më parë, i cili kufizon ata të tërheqin diplomën pas përfundimit të studimeve, për një periudhë 5-vjeçare.

Bojkoti është shoqëruar me protesta të shumta të studentëve të Mjekësisë, duke lënë të kuptohet mosdakordësia e tyre e thellë me ligjin e miratuar.

Së fundmi, bëhet me dije se në vazhdën e bojkotimit dhe protestave, studentët do të takohen ditën e hënë, 30.10.2023,, në orën 08:30 me rektorin e UMT, Arben Gjatën.

Ky takim vjen si rrjedhojë e protestës së ditës së djeshme para zyrës së rektoratit të Mjekësisë nga studentët, me qëllimin për të siguruar një takim me Gjatën, por ky i fundit nuk ishte i pranishëm.

Po ashtu, ditën e djeshme studentët e Mjekësisë i paraqitën Gjatës një shkresë, ku ishin të renditura kërkesat e tyre, të cilat në thelb kanë dëshirën e studentëve për pozicionimin e rektoratit krah tyre.

I nderuar Z. Rektor,

Siç jeni në dijeni, ne studentët e degës Mjekësi e Përgjithshme jemi prej tri javësh në bojkot të procesit mësimor të vitit akademik 2023-2024. Lëvizja jonë ka përfshirë protesta, bojkotin dhe tashmë nisjen e ndjekjes ligjore në Gjykatën Kushtetuese me qëllim shfuqizimin e ligjit nr. 60/2023 “Për trajtimin e veçantë të studentëve që ndjekin programin e studimit të ciklit të dytë ‘Mjekësi e Përgjithshme’  në institucionet publike të arsmit të lartë”.

Në këtë situatë ne kërkojmë mbështetjen tuaj si titullar i UMT si më poshtë vijon:

1.Deklarimin tuaj publik se Universiteti nuk do të na paraqesë asnjë kontratë në zbatim të ligjit nr 60/2023 deri në përfundim të shqyrtimit të padisë sonë nga GjK.

2.Deklarimin tuaj publik se Universiteti dhe Ju personalisht jeni në krah të studentëve dhe na mbështesni në lëvizjen tonë.

3.Marrjen e masave për të mos lejuar pedagogët të ushtrojnë presion të çdo forme ndaj studentëve me qëllim detyrimin për ndalimin e bojkotit.

Nisur nga situata jonë emergjente, keni kohë të na ktheni përgjigje mbi kërkesat e mësipërme deri të premten, më datë 27 tetor 2023.

Në rast të një mosreagimi nga ana Juaj do të jemi të detyruar të intensifikojmë lëvizjen tonë me marrjen e masave përshkallëzuese.

Me respekt,

Përfaqësuesit e studentëve

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça