Kërkon mandatin e tretë në krye të FIFA-s, Infantino: Në muajt e ardhshëm do jem në Shqipëri

Kërkon mandatin e tretë në krye të FIFA-s, Infantino: Në muajt e ardhshëm do jem në Shqipëri

Presidenti i FIFA-s Gianni Infantino

Presidenti i FIFA-s Giani Infantino shumë shpejt do jetë në Shqipëri. Numri 1 i futbollit botëror do vizitojë vendin tonë për inaugurimin e ‘Shtëpisë së Futbollit’, por edhe me rastin e 90-vjetorit të anëtarësimit të Shqipërisë në FIFA.

Gjithsesi pas kësaj fshihet edhe qëllimi kryesor, pasi Infantino po kërkon një mandat të tretë në krye të këtij intitucioni. Italo-zvicerani u zgjodh fillimisht pas largimit të Blatter, ndërsa u rizgjodh në 2019. Zgjedhjet e ardhshme janë në 2023, ndërsa vetëm një ditë më parë Infantino mori premtimin e federatave aziatike se do mbështet në zgjedhje.

“Siç edhe e diskutuam, do të jetë një kënaqësi e madhe për mua të vizitoj vendin tuaj në muajt në vijim, për t’u takuar me anëtarët e komunitetit shqiptar të futbollit dhe zyrtarët e qeverisë si edhe për të ndarë vizionin tonë për futbollin dhe mënyrat për të zhvilluar më tej lojën tonë dhe promovimin e vlerave të saj në Shqipëri dhe në rajon.
Zyrat tona do të kontaktojnë për të gjetur datën dhe orën e duhur për vizitën. Ndërkohë, ju uroj sa më shumë suksese për organizimin e finales së UEFA Conference League 2022 në Tiranë dhe pres me padurim, i nderuar President, t’ju shoh përsëri shumë shpejt.

Juaji sinqerisht, Gianni Infantino,”-thuhet në letrën e presidentit të FIFA-s.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet