Këshilli Bashkiak i Himarës voton të premten për drejtuesin e ri, nënkryetari Gjikuria për Report Tv: Nëse do ketë tensione, tërhiqem nga gara

Nënkryetari i Këshillit Bashkiak të Himarës, Pervin GJikuria

Të premten në Këshillin Bashkiak të Himarës pritet të mbahet mbledhja për zgjedhjen e kryetarit të ri të komanduar, pas dorëheqjes së Blerina Balës. Gara do jetë mes dy nënkryetarëve Pervin Gjikuria dhe Arqile Bollano.

Kujtojmë që në mbledhjen e 29 marsit të Këshillit Bashkiak të Himarës, Pervin GJikuria hoqi dorë nga gara me Balën, duke i qëndruar nevojës për një proces të paqtë që të mos cenonte sezonin turistik.

I kontaktuar nga Report Tv për mbledhjen e së premtes të Këshillit Bashkiak ku pritet të zgjidhet kryetari i ri, Gjikuria thotë sërish se nëse situata do të jetë e tensionuar dhe do të ketë zhurma si proces, ai sërish do të heqë dorë, pasi rëndësi ka një sezon i mbarë që nuk cenohet nga situata politike.

“Vonesat në vendimmarrje në këtë fazë të sezonit turistik nuk do i shërbenin Himarës, tha Gjikuria për Report Tv.

Lajmi kryesor:

‘S’ka qetësi në Himarë’, dorëhiqet kryetarja e komanduar! Letra e Blerina Balës: Jam përpjekur të punoj me përkushtim! Këshilli Bashkiak vendos të premten drejtuesin e ri (LETRA)

SI.E./Shqiptarja.com

TAG:
• Vlore
• himare
• fredi beleri
• Blerina Bala