Ndonëse miratoi raportin e kryenegociatorit Zef Mazi, kryetarja e Këshillit Kombëtar për Integrimin, Jorida Tabaku, renditi një sërë kritikash ndaj qeverisë sa i takon procesit të ingrimit teksa theksoi se nuk duhet të fshihet pas vetos bullgare.
‘Do të kisha dëshirë të fokusohemi në pushtetin lokal. Nga informacionet që kemi, në shumë prej bashkive nuk janë ngritur shtabet e integrimit. Kështu ndodh edhe në strukturat në ministri. Jam përpjekur gjatë gjithë kohës t’i ngre këto dyshime. Të gjithë kanë emëruesin e përbashkët: Vullnet politik. Ne nuk mund të fshihemi pas vetos së Bullgarisë, duhet të bëjmë punën tonë këtu, të ecim përpara dhe pavarësisht një date që ndoshta nuk është në dorën tonë.’- tha Tabaku.
Përgjigjen e mori nga kryetari i grupit të PS, Talant Balla si dhe nga ministrja e jashtme Olta Xhaçka gjatë mbledhjes së Këshillit Kombëtar të Integrimit.
‘Ne nuk fshihemi pas vetos së Bullgarisë sepse Bullgaria e ka bërë të qartë që nuk ka gjë me Shqipërinë!’- tha Balla.
‘Qeveria shqiptare ka vazhduar me përkushtim dhe dedikim zbatimin e programit ambicioz të reformave gjithëpërfshirëse, duke përmbushur të gjitha kërkesat nga Këshilli për mbajtjen e Konferencës së parë Ndërqeveritare. Kjo do të thotë se i kemi kryer të gjitha “detyrat e shtëpisë”.’- tha Xhaçka.
Kryenegociatori i Shqipërisë për Integrimin në BE, Zef Mazi tha gjatë fjalës së i bëri thirrje shoqërisë civile si dhe pushtit lokal që të jenë më aktive në procesin e integrimit drejt BE-së. Nga ana tjetër Mazi theksoi se reforma në Administratën Publike është me rëndësi të veçantë për procesin e integrimit drejt BE-së.
‘Ndihet nevoja për përfshirjen më aktive të shoqërisë civile dhe duhet edhe bashkëpunim i pushtetit lokal. Ato duhet të marrin një rol më proaktiv. Ky është një proces sfidues për të gjithë ne dhe vendin tone.’- tha Mazi.
Zyrtarët më të lartë europianë janë shprehur pro mbajtjes së konferencës ndërqeveritare mes Shqipërisë dhe BE, por ende nuk ka një datë konkrete për shkak të vetos bullgare ndaj Maqedonisë së veriut. Ndërsa qeveria shqiptare përmes këshillimi kombëtar kërkon nga opinioni publik nëse Shqipëria duhet të ndahet nga Maqedonia e veriut në procesin integrues.
Kryenegociatori i Shqipërisë për Integrimin në BE, Zef Mazi tha gjatë fjalës së tij se 27 vendet janë dakord me kuadrin negociues për Shqipërinë dhe se ka mbetur vetëm miratimi formal. Mazi i bëri thirrje shoqërisë civile si dhe pushtit lokal që të jenë më aktive në procesin e integrimit drejt BE-së. Nga ana tjetër Mazi theksoi se reforma në Administratën Publike është me rëndësi të veçantë për procesin e integrimit drejt BE-së.
‘Ndërveprimi mes aktorëve është domosdoshmëri. Unë raportova tek ky këshill në tetor 2021, për ecurinë e procesit. Viti që lamë pas nuk ka qenë mjaft i mirë. Shqipërisë dhe Maqedonisë së Veriut nuk ju hapën negociatat. Kosovës nuk ju liberalizuan vizat, Mali i Zi u fut në një krizë qeveritare. Në dhjetor të vitit 2021, u krijua një grup i vogël negociator. Ky grup përbëhet nga 23 negociator, dhe është organi përgjegjës për procesin e integrimit. Vendimi i të gjithë ministrave, shtojnë listën e negociatorëve edhe drejtorin e përgjithshëm të departamentit të Administratës Publike. Duke marrë parasysh reformën në administratën publike, është bërë një shpërndarje më e harmonishme më e mirë e punëve. Janë realizuar një numë ri përgjithshëm vizitash në vendet e BE-së për të lobuar në përmbushjen e kritereve. Zyra ime ka vijuar të drejtojë strukturën negociatore.
Është marrë pjesë rregullisht dhe për ecurinë në procesin e integrimit. Janë ndjekur dhe adresuar të gjitha detyrimet që vijnë në marrëveshjen e Stabilizim-Asociimit. Javën që vjen do të mblidhet KSA, midis nesh dhe BE-së. Janë bërë përgatitjet dhe mendoj se jemi në një fazë të mirë përgatitore. Me porosi të veçantë të Ramës paraqes raporte javore në Këshillin e ministrave për procesin e Integrimit, dhe unë kam paraqitur deri tani 68 raporte. Janë raporte voluminoze. Duhet një koordinim i fortë midis nesh dhe delegacionit të BE-së. Do të duhet që ne t’i dërgojmë në komision deri në qershor të këtij viti.
Një element tjetër është trajnimi i vazhdueshëm. Rritja e kapaciteteve të punonjësve të administratës publike është prioritet. Janë bërë shumë trajnime. Bazuar në urdhrin e kryeministrit, tryeza e diskutimit i hapin rrugës ngritjes së bordit drejtues. Ndihet nevoja për përfshirjen më aktive të shoqërisë civile dhe duhet edhe bashkëpunim i pushtetit lokal. Ato duhet të marrin një rol më proaktiv. Ky është një proces sfidues për të gjithë ne dhe vendin tonë. Thelbi është tek përgjegjësia dhe llogaridhënia, duhet durim strategjik. Sot pritet miratimi i kuadrit negociues i BE-së për Shqipërinë. 27 vendet janë dakord me kuadrin negociues për Shqipërinë, ka mbetur miratimi formal. Nuk mundet më Unioni që mos të përcaktojë datën. Ne e kemi përgatitur kuadrin tonë negociues për hapjen e konferencës së parë ndërqeveritare. Ky dokument është pothuajse gati. Jemi gati për t’u ulur në tavolinë. Ka një lloj konfliktualiteti mes presidentit të RMV-së dhe Bullgarisë.’- tha Mazi.
Ministrja për Evropën dhe Punët e Jashtme, Olta Xhaçka, mori pjesë në takimin e Këshillit Kombëtar të Integrimit Evropian, ku foli mbi ecurinë e procesit të integrimit. Ministrja Xhaçka theksoi se arritjet e vendit tonë janë pranuar në mënyrë unanime nga 27 vende të BE dhe se Shqipëria vijon të mbetet një dëm kolateral i mosmarrëveshjes Bullgari-RMV.
“Qeveria shqiptare ka vazhduar me përkushtim dhe dedikim zbatimin e programit ambicioz të reformave gjithëpërfshirëse, duke përmbushur të gjitha kërkesat nga Këshilli për mbajtjen e Konferencës së parë Ndërqeveritare. Kjo do të thotë se i kemi kryer të gjitha “detyrat e shtëpisë” në reformën zgjedhore, reformën në drejtësi, luftën kundër krimit të organizuar dhe korrupsionit, reformat në lidhje me respektimin e të drejtave dhe lirive themelore, etj. Kushtet janë plotësuar dhe kjo u pranua dhe u vlerësua nga raporti i Komisionit, në tetor 2021, dhe po ashtu nga të gjitha vendet anëtare. Në këtë mënyrë, e kemi dëshmuar veten si një partner i besueshëm i BE-së. Mundësitë tona nuk kanë qenë kurrë më të mëdha, por ne vazhdojmë të mbetemi një dëm kolateral midis mosmarrëveshjes së Maqedonisë së Veriut dhe Bullgarisë. ”, u shpreh ministrja Xhaçka.
Kryediplomatja shqiptare nënvizoi se Shqipëria do vazhdojë t’i ofrojë mbështetjen e saj të plotë BE-së, edhe përgjatë mandatit si anëtare jo e përhershme e Këshillit të Sigurimit të OKB-së për periudhën 2022-2023.
Lajme të tjera
-
Mbyllja e TikTok, Balla: Platforma nuk përmbushi detyrimin për moderimin e postimeve në gjuhën shqipe
24 Dhjetor, 12:17 -
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin
23 Dhjetor, 09:32
-
Kthimi i tatimit të parapaguar për profesionet e lira, Tabaku: Fitore e PD dhe e tyre përballë një shumice arrogante, të bashkuar triumfojmë
22 Dhjetor, 14:39 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Zgjedhjet e 11 Majit 2025/ Tabaku: Të rinjtë, në ballë të betejës për fushatën e PD-së
21 Dhjetor, 13:10 -
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Samiti BE-Ballkani Perëndimor, Costa: Duhet të krijojmë kushtet për zgjerim, por integrimi në bazë të meritës! Von der Leyen: 300 mln euro për reformat
18 Dhjetor, 20:25 -
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31
