Këshillimi Kombëtar, mbi 40 mijë qytetarë kanë plotësuar pyetësorin! Rama: Të dëgjojmë njëri-tjetrin si shqiptarë, duke dalë nga llogoret politike

Mbi 40 mijë qytetarë kanë plotësuar pyetësorin në kuadër të nismës së qeverisë për Këshillimin Kombëtar. Kreu i qeverisë, Edi Rama, i cili ka zbuluar edhe shifrën e qytetarëve që kanë plotësuar formularin, fton qytetarët, pa dallim bindjesh partiake, të bëhen pjesë e kësaj nisme: si shqiptarë, si qytetarë, si njerëz të këtij vendi, duke dalë nga llogoret politike për t’u bashkuar në hapësirën e debatit për shtëpinë tonë, Shqipërinë.

‘40.000 qytetarë janë përfshirë deri mbrëmë në orën 00:00 në Këshillimin Kombëtar – 40,236 i kanë dhënë opinionet e tyre përmes platformës www.keshillimikombetar.al dhe mbi 2,500 kanë kthyer me postë pyetësorët e plotësuar Faleminderit të gjithëve me garancinë se opinioni i tyre do të dëgjohet me respekt.

Ju lutem jepeni mendimin tuaj në pyetësorin #KëshillimiKombëtar përmes postës ose linkut www.keshillimikombetar.al. Le të dëgjojmë njëri-tjetrin si shqiptarë, si qytetarë, si njerëz të këtij vendi, duke dalë nga llogoret politike për t’u bashkuar në hapësirën e debatit për shtëpinë tonë, Shqipërinë.’- shkruan Rama.

LEXO EDHE:
VIDEO/ Gjiri i Gramës, një nga perlat e rivierës shqiptare

M.Q./Shqiptarja.com

TAG:
• edi rama
• keshillimi kombetar