Këtë fundjavë është hapur në COD ekspozita “Man of the Castle” e artistes vizuale Blerta Kambo. “Man of the Castle” (Burrë i kështjellës) është seria fotografike që i jep titullin ekspozitës si dhe përbën krijimin kryesor në të. Seria bazohet në fotografi të ndërtesave me formë të ngjashme me kështjellat të ndërtuara nga burri i shtëpisë, ose burri i kështjellës.
Kambo, më pas, ndërhyn në mënyrë digjitale duke i kthyer ato në dritë infra të kuqe, e cila njihet edhe si drita e padukshme për syrin e njeriut. Vetia e dritës infra të kuqe kthen çdo gjë rreth e përqark kështjellave në rozë, ngjyrë e cila në qasjen heteronormative nuk është aq “burrërore”.
Efekti i kësaj teknike bëhet më i dukshëm kur rrethohet nga natyra, e cila gjithashtu përfaqëson metaforikisht energjinë femërore të grave që jetojnë nën “burrin e kështjellës”, pra dritën e padukshme.
Krijimi i peisazhit të ëndrrave bie ndesh me forcën që këto ndërtesa rreken të përfaqësojnë. Për Kambon, patriarkati, sistemi që nënshtron gruan, është i njëjti sistem që shtyp burrat dhe i detyron ata të performojnë e të heshtin emocionalisht.
Manifestimi i toksicitetit maskilist, ose i brishtësisë burrërore të kudondodhur në botë, por me specifikat ballkanike, vijon me referenca të tjera në ekspozitë: një skulpturë qelqi rozë – një shkallë e pamundur; perde rozë: referencë ndaj festave që zbulojnë gjininë e një bebi, por edhe të filmit Barbie; tekstet me dritë LED me shprehje popullore mizogjene dhe një seri screenshots (pamje ekrani) nga Tinder, aplikacioni i njohjeve online. Ekspozita ndodhet në Sallonin e Kryeministrisë dhe do të jetë e hapur deri më 14 shkurt. “Man of the castle “ është mbështetur nga COD dhe Bashkia Tiranë.
Blerta Kambo (lindur në 1985) është një fotografe dhe artiste vizuale shqiptare. Projektet e saj personale ndjekin një qasje konceptuale, të cilat drejtohen në tematika si: arkivat, trillime/të vërteta të shumëfishta, ekofeminizëm, maskiliteti i brishtë, hapësira si ndjesi dhe arkitektura e ngulitur në hapësirë, si narrativë në kontekstin e saj social. Në 2023 Blerta ishte finaliste për çmimin e artit bashkohor Circa, Londër, MB.
Lajme të tjera
-
Vlorë/ Gratë vlonjate që ranë dëshmore në Luftën e Dytë Botërore, çelet ekspozitë me materiale arkivore
18 Nëntor, 17:01
-
Fotografët grekë të “False mirror” turne fotografik në rrugicat e Korçës
18 Nëntor, 16:56
-
Ekspozohet krijimtaria në dekada e piktorit Naxhi Bakalli! Regjimi i shënjoi karrierën me veprën 'e ndaluar'
9 Nëntor, 13:55
-
Kryeministri Rama në ekpozitën e piktorit Naxhi Bakalli: Shfaqje e bukur linjash e ngjyrash! Kur kujtoj periudhën që isha student, bëhem i vogël para tij
8 Nëntor, 19:24 -
Krijimtaria e Gazmend Lekës, rrëfim në Fier me 130 vizatime! Ekspozita me një seri temash të realizuara gjatë 2021-2024
8 Nëntor, 12:47
-
Ekspozita fotografike 'Dyrrahu i rrëfyer nëpërmjet monedhave' çelet në Kullën Veneciane
7 Nëntor, 17:14
-
Hapet 'Ekspozita e Grupit Muri' në Vlorë, 30 punime dhe 12 artistë
3 Nëntor, 22:04
-
Arkitektura emblematike e Spanjës përmes fotografive! Arkitekti Santonja “sjell” në Tiranë Spanjën bashkëkohore
2 Nëntor, 13:56
-
Ekspozohen pllaka origjinale gramafoni të Bilbil Vlorës. Regjistrimet në shtëpinë legjendare diskografike “Columbia”
2 Nëntor, 13:42
-
'Letra nga Ferri', ekspozitë rrëqethëse për ish të burgosurit! Dëshmi e terrorit, torturës në birucat e regjimit! Të shkruarit si formë rezistence
29 Tetor, 14:56
-
50 vepra të Bujar Zajmit për herë të parë në një ekspozitë, e bija: Babai punoi në fshehtësi, pas ’90 filloi të prezantojë veprat e tij
28 Tetor, 16:37
-
Kryeministri Rama pjesë e ekspozitës në Marian Goodman, 'New York Times': Kapitull i ri për galerinë dhe art konceptual
25 Tetor, 13:07
