Khabib Nurmagomedov është mbreti i UFC për peshat e lehta duke qenë se ka arritur të mbrojë titullin kampion përballë famëkeqit irlandez, Konor McGregor. Dueli i zhvilluar në Nevada të Shteteve të Bashkuara ka qenë jo pak emocionues me përleshjet që kanë vazhduar edhe jashtë kafazit.
Megjithëse Khabib mori fitoren e 27 në karrierë ndaj një rivali me emër si McGregor, titulli kampion nuk iu dha në ring për arsye sigurie, duke qenë se situata degradoi në një sherr masiv. Ka qenë pikërisht rusi Khabib ai i cili pasi ka triumfuar ndaj MekGregorit ka dalë nga kafazi duke sulmuar stafin dhe ndihmësit e irlandezit. Është dashur ndërhyrja e policisë për të qetësuar situatën që dukej se po dilte jashtë kontrollit prandaj, për arsye siguri titulli kampion nuk iu dha në moment.
