Kievi: Aksidenti bërthamor në Zaporizhia do të kishte pasoja 10 herë më të rënda se ai në Çernobili

Pasojat e një fatkeqësie hipotetike bërthamore në termocentralin  bërthamor ukrainas të Zaporzhias, ku aktualisht janë përqendruar sulme mes ushtrisë ukrainase dhe asaj ruse mund të jenë dhjetë herë më të larta se ato të përjetuara pas aksidentit të Çernobilit në 1986.

Paralajmërimi vjen nga autoritetet në Kiev:

“Zona hipotetike e përjashtimit do të arrinte
30,000 kilometra katrorë, dhjetë herë më shumë se ajo e dekretuar pas aksidentit të vitit 1986, mjaft e madhe për ta bërë të pabanueshëm të gjithë rajonin e Zaporizhyas”, thuhet nga Ministria e Mjedisit dhe Burimeve Natyrore të Ukrainës.

"Zona e territorit potencialisht të kontaminuar mund të arrijë dy milionë kilometra katrorë, tre herë më e madhe se Ukraina. Shkalla e kontaminimit të territoreve të tjera në Ukrainë dhe Evropë, Rusi dhe Bjellorusi do të varet më pas nga era", shton ajo. 

Lajmi kryesor:

Lufta në Ukrainë/SHBA autorizon ndihmën më të madhe për sigurinë në Ukrainë deri tani! Ukraina: Goditëm bazën ushtarake ajrore ruse në Krime

S.C/Shqiptarja.com

TAG:
• lufta ne ukraine
• rusia sulmon ukrainen