Kim Jong Un përgatit një 'përplasje ushtarake' me Korenë e Jugut dhe SHBA-në

Udhëheqësi i Koresë së Veriut, Kim Jong-un, bëri thirrje për një rritje të prodhimit të raketave gjatë një vizite në një fabrikë armësh, në përgatitje për një "përplasje ushtarake" me Korenë e Jugut dhe Shtetet e Bashkuara. Kështu ka raportuar sot agjencia shtetërore Kcna.

Shtëpia e Bardhë tha dje se Pheniani furnizoi Moskën me raketa balistike dhe sisteme shpërndarjeje të përdorura në sulmet e mëdha në ditët e fundit kundër Ukrainës, raporton Ansa.

"Informacionet tona tregojnë se Koreja e Veriut ka furnizuar së fundmi sisteme lëshimi dhe disa raketa balistike për Rusinë", tha zëdhënësi i Këshillit të Sigurisë Kombëtare të SHBA, John Kirby. 

LEXO EDHE:
Zbardhen dëshmitë në gjyq, botuesi: Si përpoqa ta ndihmoja ish-Presidentin të fitonte zgjedhjet në vitin 2016

Forcat ruse lëshuan raketa të furnizuara nga Pheniani më 30 dhjetor dhe 2 janar drejt Ukrainës, tha zyrtari amerikan. Aleatët historikë, Rusia dhe Koreja e Veriut janë të dy subjekt i sanksioneve ndërkombëtare: i pari për pushtimin e Ukrainës dhe i dyti për programet e saj të ndaluara të raketave dhe armëve bërthamore. 

Në fund të një takimi pesë-ditor të Komitetit Qendror të Partisë së Punëtorëve të Koresë në fund të dhjetorit, Kim kishte urdhëruar tashmë përshpejtimin e përgatitjeve ushtarake për një "luftë" që mund "të nisë në çdo kohë" në gadishull. 

S.S/KT/Shqiptarja.com

TAG:
• koreja e jugut
• Koreja e veriut
• SHBA
• kim jong un