Kinë-Shqipëri, kanal i
ri i pastrimit të parave
Kanali më i fuqishëm i shpëlarjes së parave të pista nga vendi ynë është Kina e largët. Në raportin e Drejtorisë së Parandalimit të Pastrimit të Parave për vitin 2011 thuhet se me vendin aziatik kryhen gati gjysma e transaksioneve të dyshimta të parasë
TIRANE- Nuk është vetëm qeveria shqiptare dhe kryeministri i saj, që shfaqin shenja afrimi të Shqipërisë me Kinën. Para tyre, persona që merren me pastrimin ndërkombëtar të parave kanë krijuar “urat e miqësisë” midis dy vendeve, në fushën e transaksioneve të parasë së pistë. Sipas raportit vjetor të Drejtorisë së përgjithshme të Parandalimit të Pastrimit të Parave (DPPPP), gjatë vitit të kaluar numri i transfertave të dyshimta të kryera në linjën Shqipëri-Kinë dhe anasjelltas ze vendin e parë në totalin e transfertave problematike, me 47%. Dyshimet kanë lindur ngaqë janë përdorur shpesh llogari personale për qëllime biznesi dhe mangësi në dokumentacionin justifikues, që duhet të mbulojnë evazionin fiskal, thuhet në raport.
Vendin e dytë në këtë drejtim, sipas këtij institucioni, e zenë transfertat drejt apo nga vende të BE-së, Shteteve të Bashkuara të Amerikës dhe Kanadaja, me 37%. Këtu mbizotërojnë transfertat e dërguara nga Shqipëria drejt këtyre vendeve, kryesisht pagesa për blerje të ndryshme, por edhe investime. Vetëm në vend të tretë vijnë të ashtuquajturat "parajsa fiskale", me të cilat kryhen 16% e totalit të transfertave të dyshimta, kryesisht për mangësi në dokumentacionin shoqërues, mungesë të justifikimit bindës të qëllimit të transfertave, por edhe nisur nga risku i vendit, me të cilin është kryer transaksioni.
RrugëtMënyrat e tentativave për të pastruar para kanë qenë nga më të ndryshmet. Nga analizimi i informacionit të dërguar nga DPPPP në organet kompetente, rezulton se tipologjitë kryesore janë investimi i të ardhurave të jashtëligjshme në pasuri të luajtshme (kryesisht automjete luksoze) dhe të paluajtshme (brenda dhe jashtë vendit) në vlera të konsiderueshme, deklarimi fiktiv i të ardhurave dhe investimi i shumave të përfituara në mënyrë të paligjshme në aktivitete ekonomike, nënshkrimi i deklaratave apo kontratave fiktive të huamarrjes, me qëllim justifikimin e të ardhurave të paligjshme, si dhe marrja e kredive bankare me qëllim ligjërimin e fondeve dhe pasurive që burojnë direkt nga veprimtaria e paligjshme.
Nga ana tjetër, janë bërë me synime të tilla edhe investime në biznese të reja apo ato ekzistuese nëpërmjet depozitimeve me para në dorë, apo kontributeve në natyrë të ortakut ose transferta në shuma të konsiderueshme pa shpjegime mbi burimin dhe arsyen e tyre apo transportim fizik i parasë në pikat e kalimit të kufirit. Po kështu, ka patur raste të krijimit të kompanive jashtë vendit (përfshirë "parajsat fiskale") me qëllim fshehjen e strukturës së pronësisë dhe pronarit përfitues, regjistrim të bizneseve apo pasurive të paluajtshme në emër të personave të tjerë, apo dhurim fiktiv fondesh për fshehjen e burimit të tyre. Rrugë të tjera kanë qenë qarkullimi i fondeve me burim të dyshimtë në sistemin bankar, krijuar nga depozitime në para fizike dhe në shuma të konsiderueshme apo shitblerja e kuotave të shoqërive tregëtare në vlera fiktive, etj.
(sg/shqiptarja.com)
Sondazhi i ditës:
Çfare prisni nga sesioni i ri parlamentar?
-
Dialog
22.2%
-
Debat
48.5%
-
Nuk e di
29.3%
Vota total: 167
Votat totale janë unike
Lajme të tjera
-
Ndërron jetë ushtari i Ukrainës në Prizren, policia nis hetimet
31 Gusht, 22:38
-
'Ti flet gjuhën serbe', Vuçiç përplaset me presidentin malazez në forumin e Pragës, ja si i përgjigjet Milatoviç
31 Gusht, 22:31
-
‘Busti i Skënderbeut në Itali, si portreti i Ramës’, Balla i përgjigjet Berishës: Mendja gjë e madhe
31 Gusht, 22:08
-
Superliga/ Trajneri serb debuton me fitore, Partizani 'kap' Egnatian në krye! Skënderbeu mposht 1-0 Vllazninë, paqe në Laç
31 Gusht, 22:00
-
Cilat janë 3 ushqimet që veprojnë si antidepresantë
31 Gusht, 21:59
-
Burri e leu me benzinë dhe i vuri flakën, reagon ministrja e Shëndetësisë: Mjekët po bëjnë më të mirën për Melisën
31 Gusht, 21:53
-
Çfarë duhet ta trandi realisht Shqipërinë?!
31 Gusht, 21:32
-
NATO kërkon angazhimin e plotë të Kosovës në procesin e dialogut: Jeni zotuar se s’do të ndërmerrni veprime të pakoordinuara
31 Gusht, 21:25
-
Suksesi në 'Paris 2024', Sahit Prizreni konfirmohet në postin e Presidentit të Federatës Shqiptare të Mundjes
31 Gusht, 21:19
-
Mero Baze: PD betejë ligjore t'i rikthejë portin “Kurum”-it
31 Gusht, 21:01
-
Vuçiç: Serbia nuk ka gjasa të anëtarësohet në BE në vitin 2028
31 Gusht, 20:51
-
Itali/ Zbardhet dëshmia e anëtarit të ekuipazhit të jahtit që u fundos në Palermo: Zgjova kapitenin, anija u anua, u përpoqëm t'i shpëtonim të gjithë
31 Gusht, 20:33