Kina, Meksika dhe Kanadaja kanë reaguar ashpër pasi presidenti i sapozgjedhur i SHBA-së, Donald Trump, kërcënoi se do të rrisë me 25% tarifat tregtare për të gjitha produktet që hyjnë në SHBA nga Kanadaja dhe Meksika dhe 10% nga Kina, përpara se të hyjë në Shtëpinë e Bardhë.
Presidentja e Meksikës Claudia Sheinbaum u tha gazetarëve të martën se as kërcënimet dhe as tarifat nuk do të zgjidhin "fenomenin e migrimit" ose konsumin e drogës në SHBA.
"Një tarifë do të pasojë një tjetër si përgjigje dhe kështu me radhë, derisa të rrezikojmë bizneset tona të përbashkëta," shtoi presidentja e Meksikës Claudia Sheinbaum.
Duke lexuar një letër ku theksoi se do t’ia dërgonte Trump, Sheinbaum paralajmëroi gjithashtu se Meksika do të hakmerrej duke vendosur taksat e veta mbi importet amerikane, të cilat do të "vinin në rrezik ndërmarrjet e zakonshme".
Më tej kryeministri i Kanadasë Justin Trudeau tha se foli me Trump pas njoftimit të kësaj deklarate. Sipas tij dy liderët diskutuan për tregtinë dhe sigurinë kufitare, duke theksuar se numri i emigrantëve që kalonin kufirin kanadez ishte shumë më i vogël krahasuar me kufirin SHBA-Meksikë. Megjithatë ekipi i Trump refuzoi të konfirmonte se ata kanë bërë një bisedë telefonike.
"Askush nuk do të fitojë një luftë tregtare apo një luftë tarifash", tha Liu Pengyu një zëdhënës i ambasadës së Kinës në Uashington për BBC.
Ai hodhi poshtë pretendimet se Kina lejon që kimikatet e përdorura në prodhimin e drogave të paligjshme - përfshirë fentanyl - të kontrabandohen në SHBA.
“Kina i është përgjigjur kërkesës së SHBA-së për verifikimin e të dhënave për raste të caktuara dhe ka ndërmarrë veprime”, shtoi ai.
Kundërshtimi i tyre vjen një ditë pasi Trump njoftoi në platformën e tij se do të zbatojë tarifat menjëherë pasi të marrë detyrën më 20 janar, nëse kërkesat e tij nuk plotësohen.
Fqinji verior i Amerikës përbënte rreth 437 miliardë dollarë (347 miliardë £) të importeve amerikane në vitin 2022 dhe ishte tregu më i madh për eksportet amerikane në të njëjtin vit, sipas të dhënave të SHBA.
Kanadaja dërgon rreth 75% të totalit të eksporteve të saj në SHBA.
Komente
Lajme të tjera
-
Shtëpia ikonike e ‘I vetëm në shtëpi’ shitet për 5.2 milionë dollarë
27 Dhjetor, 21:45 -
'Trazirat politike në botë mund të sjellin telashe për ekonominë globale në 2025', analiza e CNN: Ja ndikimi i presidentit Trump
27 Dhjetor, 21:37 -
'Luftë civile' në kampin e Trump, të gjithë kundër Musk pasi i doli në krah emigrantëve të kualifikuar
27 Dhjetor, 21:22 -
Nju Jork, i vuri flakën një gruaje në metro, 33 vjeçari nën akuzë për vrasje e zjarrvënie
27 Dhjetor, 21:08 -
Kina, sanksione ndaj 7 kompanive si kundërpërgjigje ndaj ndihmës ushtarake amerikane për Tajvanin
27 Dhjetor, 20:56 -
Planet e administratës së re amerikane për reformimin e FBI-së
27 Dhjetor, 20:45 -
SHBA-të vendosin sanksione ndaj ish-kryeministrit gjeorgjian, miliarderit Bidzina Ivanishvili! Akuzohet si pro-rus
27 Dhjetor, 20:13 -
Mali i Zi urdhëron ekstradimin në SHBA të ish-bosit koreanojugor të kompanisë së kriptomonedhave
27 Dhjetor, 19:39 -
Uashington, ekspozohen 2500 objekte të rralla në muzeun e ndërtimit
27 Dhjetor, 18:35 -
Studio Live/ Merkoçi: Berishën e manipulojnë, nuk i hiqet ‘non grata’! Demalia: PD pjellë e komunizmit, ka falimentuar!
27 Dhjetor, 18:15 -
SHBA/ Bëri 9 vite kimioterapi, tronditet pasi mëson se nuk vuante nga kanceri
27 Dhjetor, 11:13 -
Ambasadori amerikan Hovenier përfundon mandatin: Po largohem si një mik i fortë i Kosovës
27 Dhjetor, 11:03
