Enti rregullator i mediave kineze ka ndaluar transmetimin e BBC World News në vend për shkak të “shkeljeve të rënda në përmbajtjen e tyre editoriale’, lajmi është konfirmuar nga televizioni shtetëror Xinhua News.
Xinhua deklaroi se raportimet e medias angleze në Kinë ishin në kundërshtim me politikat për “raportime lajmesh që duhet të jenë të vërteta dhe të paanshme, si dhe cenon interesat kombëtare të Kinës dhe solidaritetin etnik”.
Administrata Kombëtare e Radios dhe Televizionit kinez (NRTA) shtoi se kanali nuk do të transmetohet më në territorin kinez dhe se aplikimi i ri për transmetim nuk do të pranohet as për vitin e ardhshëm.
Pas vendimit ka reaguar edhe ministri i jashtëm britanik Dominic Raab i cili tha se vendimi i Kinës për të ndaluar kanalin BBC World News është i papranueshëm dhe dëmton imazhin e Kinës.
"Kina ka disa nga kufizimet më të rënda mbi mediat dhe liritë e internetit në të gjithë globin, dhe ky hap i fundit nuk do të bëjë tjetër përveçse do të dëmtojë emrin e Kinës në sytë e botës," tha ai.
BBC World News që transmeton në gjuhën angleze nuk përfshihet në shumicën e paketave të kanaleve televizive në Kinë, por mund të shihet në disa hotele dhe rezidenca. Ndalimi i transmetimeve të BBC-së bëhet një javë që kur Pekini kërcënoi se do të hakmerrej, pasi autoritetet në Londër i hoqën licencën e operimit në Britani rrjetit shtetëror kinez CGTN.
Pas vendimit të Kinës ka reaguar edhe Administrata e Biden e cila dënoi qëndrimin e Kinës, pasi Pekini ndaloi transmetimin e BBC-së në vend.
"Në mënyrë absolute dënojmë vendimin e Kinës për të ndaluar transmetimet e Shërbimeve Ndërkombëtare të BBC-së. Kina vazhdon të ketë një ndër hapësirat më të kontrolluara, më shtypëse në botë për informacionin. Ndërsa Kina bllokon operimin lirisht të grupeve mediatike, udhëheqësit e Pekinit përdorin mjediset e lira dhe të hapura për median në vende të tjera për të nxitur dizinformim”, tha zëdhënësi i Departamentit të Shtetit Ned Price.
Price shtoi se Shtetet e Bashkuara besojnë se liria e medias “është një e drejtë e rëndësishme dhe kyçe për mirëinformimin e qytetarëve, që të shkëmbejnë lirisht idetë mes tyre dhe me udhëheqësit e tyre”.
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Dronë misteriozë shihen mbi 3 baza amerikane në Britani
24 Nëntor, 07:41 -
'Në rrugën drejt Shqipërisë 2030!' Turi me diasporën, Rama sot takim me shqiptarët e Londrës: Gati shqipe
24 Nëntor, 07:10 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01
