POP 5

Lajmet më të lexuara të 5 minutave të fundit

Bota

Kina paralajmëron 'masa dramatike' nëse Tajvani provokon me pavarësi

Kina e konsideron Tajvanin si territorin e saj dhe në dy vjetët e fundit ka rritur presionin diplomatik dhe atë ushtarak, gjë që ka nxitur shqetësime në Taipei dhe Uashington.

Kina paralajmëron 'masa dramatike' nëse Tajvani provokon me pavarësi

Kina do të marrë “masa dramatike” nëse Tajvani bën lëvizje drejt pavarësisë, ka paralajmëruar të mërkurën një zyrtar i Pekinit, duke shtuar se provokimet e Tajvanit dhe ndërhyrjet e jashtme mund të rriten vitin e ardhshëm.

Kina e konsideron Tajvanin si territorin e saj dhe në dy vjetët e fundit ka rritur presionin diplomatik dhe atë ushtarak, gjë që ka nxitur shqetësime në Taipei dhe Uashington.

Kina ka pasur gatishmëri për të arritur ribashkim paqësor me Tajvanin, mirëpo do të vepronte nëse do të kalohej ndonjë vijë e kuqe për pavarësinë, ka thënë Ma Xiaoguang, zëdhënës në Zyrën kineze për Çështje të Tajvanit.

“Nëse forcat separatiste në Tajvan provokojnë me pavarësi apo kalojnë vijën e kuqe, ne do të duhet të marrim masa drastike”, ka thënë Ma.

Tajvani është bërë faktor kyç në marrëdhëniet mes Kinës dhe Shteteve të Bashkuara.

SHBA njihet si mbështetësja më e rëndësishme ndërkombëtare e Tajvanit dhe furnizuesja më e madhe me armë, pavarësisht mungesës së marrëdhënieve diplomatike zyrtare.

Kina rregullisht e përshkruan ishullin si çështjen më të ndjeshme në lidhjet e saj me SHBA-në.

Ndonëse Shtetet e Bashkuara e njohin vetëm një Kinë, atyre u kërkohet me ligj që t’i ofrojnë Tajvanit mbështetje për të mbrojtur veten dhe tash e një kohë ato ndjekin një politikë të “paqartësisë strategjike” nëse do të intervenonin ushtarakisht për të mbrojtur Tajvanin në rast të ndonjë sulmi kinez./ REL

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rrofte Kina Komuniste!: 29/12/2021 14:52

    Po pse e zgjasni kot more te paudhe?!!.... Po DIHET edhe nga çilimijte qe Taivani eshte Toke Kineze dhe i perket plotesisht asaj. Eshte vetem çeshtje kohe, dhe mos u mundoni kot ta zgjasni kete gjendje letargjie dhe acarimi e ngerçi komplet artificial. Lereni Kinen ne te drejten e saj dhe te marre fund budallalleku i dy Kinave. Ka vetem nje Kine dhe vetem nje. Kina e madhe e kuqe dhe e bashkuar se bashku me ishullin e saj jugor, Taivanin.

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58