POP 5

Lajmet më të lexuara të 5 minutave të fundit

Bota

Kina rrit buxhetin për mbrojtje për shkak të sfidave komplekse të sigurisë

Rritja e buxhetit të mbrojtjes të Kinës është “e përshtatshme dhe e arsyeshme” dhe ka për qëllim përmbushjen e “sfidave komplekse të sigurisë”, tha më 4 mars një zëdhënës i Parlamentit kinez

Kina rrit buxhetin për mbrojtje për shkak të sfidave komplekse të sigurisë

Ushtarët kinezë gjatë një parade ushtarake më 2021

Rritja e buxhetit të mbrojtjes të Kinës është “e përshtatshme dhe e arsyeshme” dhe ka për qëllim përmbushjen e “sfidave komplekse të sigurisë”, tha më 4 mars një zëdhënës i Parlamentit kinez.

Wang Chao nuk ka asnjë tregues nëse shkalla e rritjes që do të bëhet publike të dielën gjatë sesionit hapës të Kongresit Kombëtar Popullor do të ishte mbi ose 7.1 për qind, sa ishte vitin e kaluar.

Por, ai tha se buxheti i mbrojtjes vazhdon të jetë stabil, duke shtuar se modernizimi ushtarak i Kinës “nuk do të jetë kërcënim për asnjë shtet”.

“E kundërta, do të jetë një forcë pozitive për mbrojtjen e stabilitetit rajonal dhe të paqes në botë”, tha Wang gjatë një konference për media.

“Rritja e shpenzimeve të mbrojtjes është e nevojshme për të përmbushur sfidat komplekse të sigurisë dhe që Kina të përmbushë obligimet e saj si shtet i madh. Shpenzimet e mbrojtjes së Kinës... janë më të ulëta sesa mesatarja botërore dhe rritja do të jetë e përshtatshme dhe e arsyeshme”, theksoi ai.

Më 2021, sipas Bankës Botërore Kina kishte shpenzuar 1.7 për qind të Bruto Prodhimit të Brendshëm për ushtrinë, krahasuar me Shtetet e Bashkuara që kishin buxhet prej 3.5 për qind.

Vitin e kaluar, Kina ndau një buxhet prej 229 miliardë dollarësh për ushtrinë apo dyfishin e buxhetit krahasuar me vitin 2013.

Në dy dekadat e fundit, Kina vazhdimisht ka rritur shpenzimet për ushtrinë prej 2 milionë anëtarësh dhe ka rritur aftësitë në të gjitha kategoritë ushtarake./REL

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça