POP 5

Lajmet më të lexuara të 5 minutave të fundit

Bota

Kina tregon muskujt në 70 vjetorin e Republikës Popullore (VIDEO)

Kina tregon muskujt në 70 vjetorin e Republikës Popullore. Presidentit Xi Jinping: Asnjë forcë nuk mund ta tronditë Kinën. Në parade u ekspozuan raketat supersonike dhe ato ndërkontinentale

Kina ka festuar dje 70 vjetori e Republikës Popullore me një sërë aktivitetesh madhështore dhe plot ngjyra.

Përpara nisjes së Paradës Ushtarake, Presidenti kinez Xi Jinping shpërndau 42 medalje ‘Heroi’ për ata që kanë patur kontribute të shquara shkencore dhe ushtarake si dhe 6 medalje ‘Miqësie’ për mbështetësit e Kinës.

“Asnjë forcë nuk mund ta trondisë Kinën”, ishte ky mesazhi i Presidentit Xi Jinping gjatë fjalimit që ai mbajti përpara se të inspektonte trupat e paradës ushtarake për 70 vjetorin e lindjes së Republikës.

"Ne duhet të qëndrojmë të përkushtuar ndaj strategjisë së ribashkimit paqësor dhe një vendi me dy sisteme," tha Xi Jinping duke iu referuar çështjeve të Hong Kongut, Macao dhe Tajvanit.

Pas fjalimit, në sheshin Tienanmen, nisi sfilata e trupave ushtarake dhe armëve. Për herë të parë në paradë u ekspozuan raketat balistike ndërkontinentale edhe Df-41, të afta për të transportuar deri në dhjetë testata bërthamore, që përbëjnë dhe një kërcënim të mundshëm për gjithë territorin e SHBA.

Ndër armët e tjera që u shfaqën ishin dhe avionët supersonike, të aftë për të fluturuar me një shpejtësi pesë herë më të lartë se shpejtësia e zërit. Për analistët ushtarakë, këta lloj avionësh janë kërcënim për stabilitetin rajonal sepse shpejtësia e tyre e lartë e bën shumë më të vështirë zbulimin dhe përgjimin e tyre.

Presidenti kinez gëzon një mbështetje të gjerë në Kinë, fal fushatës së tij agresive antikorrupsion dhe për arritjet e mëdha ekonomike, të cilat e kanë bërë Kinën të jetë ekonomia e dytë më e madhe në botë dhe në ballë të politikës globale.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tirana: 01/10/2019 15:48

    Nje parti nje fe nje rrac. Ky ashte suksesi i nje shtetit E jo si ne shqipnin

    Përgjigju
    • CaBone: 01/10/2019 17:46

      E vertet. Shtet qe meriton respekt. Bravo Kina

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46