POP 5

Lajmet më të lexuara të 5 minutave të fundit

Bota

Kina: Urdhri i ri amerikan për teknologji shkel parimet e ekonomisë së tregut

Kina ka reaguar ashpër ndaj urdhrit të ri ekzekutiv të lëshuar nga presidenti amerikan, Joe Biden, për të rregulluar disa investime të Shteteve të Bashkuara në Kinë, me qëllim të mbrojtjes së teknologjisë së ndjeshme

Kina: Urdhri i ri amerikan për teknologji shkel parimet e ekonomisë së tregut

Flamuri i Kinës

Kina ka reaguar ashpër ndaj urdhrit të ri ekzekutiv të lëshuar nga presidenti amerikan, Joe Biden, për të rregulluar disa investime të Shteteve të Bashkuara në Kinë, me qëllim të mbrojtjes së teknologjisë së ndjeshme.

Të mërkurën, Biden ka lëshuar urdhër të ri ekzekutiv, duke thënë se “shpall emergjencë kombëtare për t’u përballur me kërcënimin e avancimit të shteteve që përbëjnë shqetësim në fushën e teknologjisë së ndjeshme dhe në produktet kyçe për ushtrinë, inteligjencën, vëzhgimin dhe kapacitetet kibernetike”.

“Kina do t’i ndjekë zhvillimet nga afër dhe do t’i ruajë të drejtat dhe interesat tona”, ka thënë një zëdhënës i Ministrisë së Jashtme të Kinës, të enjten, si kundërpërgjigje ndaj vendimit amerikan.

Sipas tij, synimi kryesor i Uashingtonit është që “Kinës t’i pamundësohet avancimi dhe që supremacia amerikane të zhvillohet në kurriz të të tjerëve”.

“Ky është një shtrëngim i hapur ekonomik, një akt që shkel seriozisht parimet e ekonomisë së tregut dhe garës së drejtë”, ka thënë mes tjerash zyrtari kinez.

Në urdhrin ekzekutiv, Biden e ka identifikuar Kinën, përfshirë Hong Kongun dhe zonën e veçantë administrative, Makaun, si “shtet që përbën shqetësim”.

Lideri amerikan ka thënë se masat janë të dizajnuara për të mbrojtur sigurinë kombëtare dhe nuk shkaktojnë dëme në investime.

Një zyrtar i Qeverisë amerikane ka thënë se vendimi ia parandalon Kinës përdorimin e teknologjisë më të avancuar për ta modernizuar ushtrinë e saj, dhe për ta minuar sigurinë kombëtare të SHBA-së.

Marrëdhëniet në mes të Kinës dhe SHBA-së janë aktualisht të tensionuara për shkak të një morie konfliktesh, përfshirë luftën në Ukrainë, politikën tregtare amerikane, dhe kontestet territoriale në Detin e Kinës Jugore./REL

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça