Kisha e Korçës hapi dyert për
klerikun Papa Kristo Negovani

TIRANE- 110 vjet nga momenti kur Papa kristo Negovani u masakrua në emër të misionit të tij patriotik, Kisha ka hapur dyert duke zhvilluar një ceremoni për përkujtimin e tij. Kleriku i cili guxoi të predikojë në gjuhën shqipe në kundërshtim me synimet e shovinistëve grekë është përkujtuar në ambientet e katedrales "Ringjallja e Krishtit".

Në përkujtim te 110 vjetorit të masakrimit të klerikut atdhetar, papa Kristo Negovani, Muzeu Kombëtar i Arsimit ka hapur dyert për pjesëmarrësit, ku janë prezantuar botimet origjinale të Papa Kristos, fotografi dhe dokumente të ekspozuara për herë të pare,etj. Dje nuk kanë munguar edhe shumë pasardhës të figurave të shquara e atdhetarësh, nga Tirana, Durresi, Elbasani, si dhe pasardhës të martirit papa Kristo. Ata kanë risjellë në vëmendje vlerësimin për figurën e Papa Kristo Negovanit.


Shkrimi u botua në Shqiptarja.com (print) në 13 shkurt 2015

Redaksia Online
(d.a/shqiptarja.com)