Brenda mureve të shtëpisë kultivonin bimë narkotike kanabisi përmes ngrohjes me llamba. 3 persona nga Lushnja u arrestuan nga policia pas zbulimit të laboratorit të përshtatur në katin e parë dhe të tretë të një banese private. Për të ndihmuar në rritjen e bimëve ata përdrornin filtra ajrimi, dhe në mënyrë që të mos shpenzonin energji elektrike e kishin vjedhur atë, çka u zbulua nga policia.
Gjatë kontrollit policia gjeti 170 fidanë kanabis, llamba elektrike termale, bidonë me lëndë ushqyese për bimët narkotike dhe një armë gjahu pa leje. Fiqiri Dedej 53 vjeç pronari i shtëpisë në Dushk, Kreshnik Ibraliu 30 vjeç dhe Klediv Likja 38 do të hetohen nga Prokuroria e Lushnjes për veprat penale “Kultivimi i bimëve narkotike”, “armëmbajtje pa leje" dhe “Vjedhja e energjisë elektrike".
Njoftimi i policisë:
Goditet një rast i tentativës për kultivim të bimëve narkotike.
Finalizohet me sukses nga Komisariati i Policisë Lushnjë, operacioni antikanabis i koduar "Laboratori".
Policia zbulon brenda një banese, një ambient të përshtatur si laborator, që shërbente për kultivimin e bimëve narkotike, nëpërmjet ngrohjes me llamba.
Sekuestrohen fidanë kanabisi, pajisje të ndryshme elektrike dhe një armë gjahu.
Bien në pranga 3 shtetas, shpallet në kërkim 1 tjetër.
Nga shërbimet e Komisariatit të Policisë Lushnjë, në vijim të kontrolleve të pandërprera dhe punës për parandalimin e kultivimit të bimëve narkotike, pas informacioneve të marra më parë në rrugë policore, u bë i mundur finalizimi me sukses i operacionit antikanabis të koduar “Laboratori”.
Gjatë operacionit u bë arrestimi në flagrancë i shtetasve:
F. D., 53 vjeç, banues në Dushk, Lushnjë.
K. I., 30 vjeç, banues në Lushnjë.
K. L., 38 vjeç, banues në Lushnjë.
Gjithashtu është shpallur në kërkim shtetasi K. K., 31 vjeç, banues në Fiershegan, Lushnjë.
Këta shtetas, në bashkëpunim me njëri-tjetrin, kishin përshtatur katin e parë dhe katin e tretë të banesës së 53-vjeçarit F. D., me aparatura që shërbejnë për kultivimin e bimëve narkotike.
Gjatë kontrollit të banesës u gjetën 170 fidanë të dyshuar narkotikë kanabis, të kultivuar në kushte laboratorike, të cilët u sekuestruan në cilësinë e provës materiale.
Në këtë banesë është konstatuar një lidhje e paligjshme e energjisë elektrike, e cila shërbente për furnizimin me energji të pajisjeve si llamba, aspirator, filtra ajrimi etj, që ndihmonin në kultivimin dhe rritjen e bimëve narkotike.
Gjithashtu, në cilësinë e provës materiale u sekuestruan të gjitha pajisjet që kanë shërbyer për kultivimin e bimëve narkotike, si: pajisje elektrike, llamba elektrike termale, bidonë me lëndë ushqyese për bimët narkotike, kapikorta (pajisje me të cilat ishte bërë lidhja e paligjshme e energjisë elektrike).
Gjatë operacionit, në banesën e shtetasit F. D. është gjetur dhe sekuestruar dhe një armë gjahu pa leje.
Materialet për veprime të mëtejshme i kaluan Prokurorisë pranë Gjykatës së Shkallës së Parë Lushnjë, për veprat penale “Kultivimi i bimëve narkotike”, "Prodhimi dhe mbajtja pa leje e armëve të gjuetisë dhe sportive" dhe “Vjedhja e energjisë elektrike".
Report Tv mëson detaje të reja lidhur me shtëpinë e kthyer në laborator droge në Lushnje.
Shtëpia ndodhet jashtë qendrës së banuar në Dushk në anë të një rruge rurale 100 metra nga autostrrda Rrogozhinë-Lushnjë.
Fiqiri Dedej 58 vjeç është pronari i shtepisë, ndërsa përpara saj ka dhe një bar kafe.
Kati i parë i shtëpisë dhe papafingoja ishin përshtatur për rritje dhe kutivim bimësh narkotike.
58 vjeçari Dedej kishte bashkëpunuar me dy bshkëfshatarët e tij Kreshnik Ibraliu 30 vjeç dhe Klevis Likja 38 vjeç si dhe një tjetër i shpallur në kërkim. Bëhet fjalë për K.K 31 vjeç nga Fiershegani.
Ata janë arrestuar në flagrancë pas disa muajsh hetime.
Këto janë pamjet e shtëpisë së kthyer në laborator kanabisi në Lushnje, për të cilën janë arrestuar 3 persona dhe një tjetër është shpallur në kërkim.
Lajme të tjera
-
Lushnjë-Rrogozhinë/ Makina me shpejtësi del nga rruga dhe përplas dy mjetet e parkuara para hotelit, s’ka të lënduar! Policia ndalon drejtuesin, shkak dyshohet edhe lagështia
22 Nëntor, 16:58 -
KPA lë në fuqi shkarkimin e prokurorit të Lushnjës Artan Hazbi
20 Nëntor, 10:51 -
Nëna denoncon në media: Kanë tentuar të më rrëmbejnë fëmijën 11-vjeç! Policia sqaron situatën për Report tv: Është trembur!
19 Nëntor, 15:30
-
I gjetën 56 kg kanabis në kamion, policia arreston babë e bir në Kapshticë! Po e transportonin drejt Turqisë (EMRAT)
19 Nëntor, 09:41 -
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
Korçë/ Kapet me 3 kg kanabis, lëndën narkotike e kishte fshehur në motorin e makinës! Arrestohet 32-vjeçari
17 Nëntor, 08:56 -
Fier/ Shisnin kanabis në doza, arrestohet 37 vjeçari, në kërkim i ati (EMRI)
16 Nëntor, 12:26 -
‘Ngordhën bretkosat jo më peshqit’, ndotet nga fabrikat Emisari i Tërbufit në Divjakë! Banorët: Me këtë ujë vadisim tokat
15 Nëntor, 14:53
-
Tepelenë, do shisnin 30 kg kanabis dhe një kallashnikov, 4 të arrestuar! Në pranga babë e bir që transportonin thasët me kanabis në makinë (EMRAT)
15 Nëntor, 09:14 -
Lushnjë/ Aksident në fshatin Zhelizhan, përplasen dy mjete! Drejtuesi i motoçikletës dërgohet me urgjencë në spital, shoferi i makinës shoqërohet, ishte i dehur
14 Nëntor, 13:52
-
Lezhë/ Lëviznin me kanabis në makinë, arrestohet 19 vjeçari, 3 në hetim (EMRI)
11 Nëntor, 16:09 -
SPAK mbyll hetimet për grupin e Laert Haxhiut, dërgohen për gjykim 9 të akuzuarit! Nga vrasje, vënie eksplozivi te vjedhje, zbulohen akuzat! Ngjarjet u zbardhën nga rrëfimi i Tafanit
11 Nëntor, 15:03
