Kishte shkuar për pushime në Itali, 19-vjeçari shqiptar mbytet në det! Hyri për të shpëtuar të dashurën

ITALI-  Një ngjarje e rëndë ka ndodhur në brigjet italiane, ku 19-vjeçari me origjinë shqiptare, Anxhelo Cara është mbytur në det ku kishte shkuar me të dashurën në plazhin e Baia Verde, në zonën Gallipoli, të Italisë

I riu me origjinë shqiptare me banim në Bari, kishte shkuar me të dashurën në plazh. Mediat italiane bëjnë me dije se ngjarja ka ndodhur mesditën e sotme.

Nuk është e qartë ende si ka ndodhur ngjarja. Nga informacionet e para djali ka hyrë në det për të ndihmuar të dashurën e cila duket se ka qenë në vështirësi për shkak të rrymave detare por u gjend vetë i përfshirë mes rrymave të në ujërat e Jonit, pa mundur të gjente drejtimin për të arritur në breg.

Ndonëse e ekipet e shpëtimit kanë ndërhyrë shqiptari nuk ia ka dalë të mbijetojë, pasi është nxjerrë pa ndjenja nga deti.

Policia po punon për të zbardhur shkaqet informon media italiane. 

G.MO/S.G/Shqiptarja.com

TAG:
• anxhelo cara
• itali
• mbytet